(ភ្នំពេញ)៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានអញ្ជើញបំពេញទស្សនកិច្ចផ្លូវការរយៈពេលពីរថ្ងៃនៅរដ្ឋធានីហាណូយ ប្រទេសវៀតណាម តបតាមការអញ្ជើញរបស់លោក ផាម មិញជិញ នាយករដ្ឋមន្ត្រីវៀតណាម។
ប្រទេសវៀតណាម គឺជាប្រទេសទី២ ដែលសម្តេចធិបតី ហ៊ុន ម៉ាណែត បានអញ្ជើញបំពេញទស្សនកិច្ចជាផ្លូវការក្រោយឡើងកាន់តំណែងជានាយករដ្ឋមន្ត្រី ហើយប្រទេសវៀតណាម គឺជាប្រទេសសមាជិកអាស៊ានទី១ ដែលសម្តេចធិបតី បានអញ្ជើញទស្សនកិច្ចផ្លូវការ។
ទស្សនកិច្ចនៅប្រទេសវៀតណាម មានគោលដៅចម្បងក្នុងការពង្រឹងពង្រីកចំណងទំនាក់ទំនង និងកិច្ចសហប្រតិបត្តិការរវាងកម្ពុជា និងវៀតណាម ដែលមានអាយុកាល៥៦ឆ្នាំហើយនោះ។ កាន់តែសំខាន់ទៀតនោះ ដំណើរទស្សនកិច្ចរបស់សម្តេចធិបតីនាយករដ្ឋមន្ត្រីនាពេលនេះ គឺជំរុញការធ្វើពាណិជ្ជកម្ម និងវិនិយោគរវាងប្រទេសទាំងពីរឱ្យកាន់តែមានសន្ទុះខ្លាំងក្លាបន្ថែមទៀត គ្រាដែលទំហំពាណិជ្ជកម្មប្រទេសទាំងពីរសម្រេចបាន ១១ពាន់លានដុល្លារអាមេរិករួចហើយនោះ។
ដំណើរទស្សនកិច្ចរបស់សម្តេចធិបតី ដ្បិតថាមានរយៈពេលត្រឹមតែពីរថ្ងៃ (១១-១២ ខែធ្នូ) តែមានជំនួប និងកម្មវិធីជាច្រើនជាមួយថ្នាក់ដឹកនាំកំពូលរបស់វៀតណាម ប្រធានក្រុមហ៊ុនធំៗរបស់វៀតណាម រួមទាំងកម្មវិធីពាក់ព័ន្ធការជំរុញពាណិជ្ជកម្ម និងវិនិយោគផងដែរ។
ក្នុងដំណើរទស្សនកិច្ចនេះ សម្តេចធិបតីនាយករដ្ឋមន្ត្រី បានអញ្ជើញពិភាក្សាការងារ និងសម្តែងការគួរសមជាមួយ លោក ផាម មិញជិញ នាយករដ្ឋមន្ត្រីវៀតណាម, លោក ង្វៀន ហ្វូ៊ចុង អគ្គលេខាធិការបក្សកុម្មុយនីស្ដវៀតណាម, លោក វ៉ វ៉ាន់ធឿង ប្រធានរដ្ឋវៀតណាម, លោក វឿង ឌិញហ្វេ ប្រធានរដ្ឋសភាវៀតណាម, លោកស្រី ង្វៀន ធី ថាញ់ សមាជិកគណៈកម្មាធិការកណ្តាលនៃបក្សកុម្មុយនីស្តវៀតណាម សមាជិកគណៈកម្មាធិការអចិន្ត្រៃយ៍នៃរដ្ឋសភា និងជាប្រធានគណៈកម្មការទទួលបន្ទុកការងារសមាជិករដ្ឋសភា អនុប្រធានគណៈចាត់តាំងនៃគណៈកម្មាធិការមជ្ឈិមបក្ស និងជា ប្រធានសមាគមមិត្តភាពវៀតណាម-កម្ពុជា (VCFA)។
ក្នុងដំណើរទស្សនកិច្ចនេះ សម្តេចធិបតី ហ៊ុន ម៉ាណែត បានអនុញ្ញាតឱ្យលោក Bui Quang Huy លេខាធិការទី១ សម្ព័ន្ធយុវជនកុម្មុយនីស្តហូជីមិញ ចូលជួបសម្តែងការគួរសម និងពិភាក្សាការងារផងដែរ។
ក្នុងជំនួបជាមួយមេដឹកនាំកំពូលរបស់វៀតណាម ទាំងសម្តេចធិបតី ហ៊ុន ម៉ាណែត ក៏ដូចជាមេដឹកនាំរបស់វៀតណាម បានពិភាក្សាការផ្តោតជាសំខាន់ទៅលើការពង្រឹងពង្រីកទំនាក់ទំនង និងកិច្ចសហប្រតិបត្តិការផ្នែកការទូត នយោបាយ និងសេដ្ឋកិច្ចជាដើម។ គ្រប់ជំនួបជាមួយមេដឹកនាំវៀតណាម សម្តេចធិបតី បានបញ្ជាក់ពីគោលនយោបាយរបស់រាជរដ្ឋាភិបាលកម្ពុជា ដឹកនាំដោយសម្តេច គឺការបន្តរក្សាទំនាក់ទំនងល្អជាមួយវៀតណាម ដោយមិនមានអ្វីប្រែប្រួលនោះឡើយ។
គ្រប់ជំនួបមេដឹកនាំរបស់វៀតណាម សុទ្ធតែបានសម្តែងការអបអរសាទរជាមួយសម្តេចធិបតី ហ៊ុន ម៉ាណែត ដែលបក្សប្រជាជនកម្ពុជាផ្តល់សេចក្តីទុកចិត្តបោះឆ្នោតជ្រើសតាំងជាអនុប្រធានបក្ស។
នយោបាយការទូតសេដ្ឋកិច្ច គឺជាកិច្ចការដ៏សំខាន់មួយរបស់សម្តេចធិបតី ហ៊ុន ម៉ាណែត។ រាល់ដំណើរទស្សនកិច្ចនៅក្រៅប្រទេសសម្តេចធិបតី មិនដែលរំលងឡើយការជួបជាមួយវិស័យឯកជន។ ក្នុងដំណើរទស្សនកិច្ចនៅវៀតណាមនេះ សម្តេចធិបតី ហ៊ុន ម៉ាណែត បានឆ្លៀតជាមួយថ្នាក់ដឹកនាំក្រុមហ៊ុនធំៗរបស់វៀតណាមចំនួន៦ ដែលក្នុងនោះមានក្រុមហ៊ុនកំពុងវិនិយោគនៅកម្ពុជាផងដែរ។
ថ្នាក់ដឹកនាំក្រុមហ៊ុនឯកជន ដែលសម្តេចធិបតី បានជួបនោះ រួមមាន៖ លោក តាវ ឌុច ថាង ប្រធានអគ្គនាយកក្រុមហ៊ុន Viettel, លោក ង្វៀន ថាញ់ ហ៊ុង ស្ថាបនិកក្រុមហ៊ុន Sovico Group និងថ្នាក់ដឹកនាំក្រុមហ៊ុន Vietjet Group, លោក ជិន កុងខា ប្រធានក្រុមប្រឹក្សាភិបាលសម្ព័ន្ធឧស្សាហកម្មកៅស៊ូវៀតណាម (VRG), លោក ផាន ឌុច ទូ ប្រធានក្រុមប្រឹក្សាភិបាលធនាគារវិនិយោគ និងអភិវឌ្ឍន៍វៀតណាម (BIDV), លោក ជិន បា សឿង ប្រធានក្រុមប្រឹក្សាភិបាលក្រុមហ៊ុន TRUONG HAI GROUP CORPORATION (THACO), លោក Nguyen Viet Quang អនុប្រធានក្រុមប្រឹក្សាភិបាល និងជា អគ្គនាយកក្រុមហ៊ុន VINGROUP។
ក្នុងដំណើរទស្សនកិច្ចនេះ សម្តេចមហាបវរធិបតី ហ៊ុន ម៉ាណែត ក៏ត្រូវបានអញ្ជើញថ្លែងសុន្ទរកថាគន្លឹះ ទៅកាន់និស្សិតរបស់វៀតណាម នៅសាកលវិទ្យាល័យពាណិជ្ជកម្មក្រៅប្រទេស (Foreign Trade University)។ ក្នុងសុន្ទរកថាគន្លឹះនោះ សម្តេចធិបតីនាយករដ្ឋមន្ត្រី ដែលជាបណ្ឌិតផ្នែកសេដ្ឋកិច្ចមកពីចក្រភពអង់គ្លេស បានថ្លែងផ្តោតលើគោលនយោបាយអភិវឌ្ឍន៍សេដ្ឋកិច្ច របស់រាជរដ្ឋាភិបាលកម្ពុជា និងទំនាក់ទំនងសេដ្ឋកិច្ចរវាងកម្ពុជា និងវៀតណាម។
សម្តេចធិបតី ហ៊ុន ម៉ាណែត ក៏បានអញ្ជើញជាអធិបតីរួមគ្នាជាមួយលោក ផាម មិញជិញ នាយករដ្ឋមន្ត្រីវៀតណាម សម្តេចធិបតី ហ៊ុន ម៉ាណែត និងលោក ផាម មិញជិញ អញ្ជើញជាអធិបតីក្នុងវេទិកាជំរុញពាណិជ្ជកម្ម និងវិនិយោគកម្ពុជា-វៀតណាម ឆ្នាំ២០២៣។ វេទិកានេះ មានគោលដៅសំខាន់ក្នុងពង្រីកការធ្វើពាណិជ្ជកម្ម និងវិនិយោគរវាងកម្ពុជា និងវៀតណាម ដែលបច្ចុប្បន្នប្រទេសទាំងពីរមានទំហំពាណិជ្ជកម្មទ្វេភាគីរហូតដល់ទៅប្រមាណ ១១ពាន់លានដុល្លារអាមេរិក។
ក្នុងដំណើរទស្សនកិច្ចនេះ ឯកសារសំខាន់ៗចំនួន៣ត្រូវបានចុះហត្ថលេខារួមមាន៖
១៖ អនុស្សរណៈនៃការយោគយល់គ្នាស្តីពីកិច្ចសហប្រតិបត្តិការ លើវិស័យវិទ្យាសាស្រ្តបច្ចេកវិទ្យា និងនវានុវត្តន៍ រវាងក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ និងក្រសួងវិទ្យាសាស្រ្ត និងបច្ចេកវិទ្យាវៀតណាម
២៖ អនុស្សរណៈនៃការយោគយល់គ្នាស្តីពីកិច្ចសហប្រតិបត្តិការ រវាងវិទ្យាស្ថានជាតិការទូត និងទំនាក់ទំនងអន្តរជាតិ និងបណ្ឌិត្យសភាការទូតវៀតណាម
៣៖ អនុស្សរណៈនៃការយោគយល់គ្នារវាងសភាពាណិជ្ជកម្មកម្ពុជា និងសភាពាណិជ្ជកម្មវៀតណាម។
ក្រៅពីឯកសារពាក់ព័ន្ធកិច្ចសហប្រតិបត្តិការរវាងរដ្ឋ និងរដ្ឋហើយនោះ ក៏មានកិច្ចព្រមព្រៀងរវាងវិស័យឯកជន និងឯកជនមួយទៀតត្រូវបានចុះហត្ថលេខាផងដែរ គឺការហោះហើរត្រង់ពីក្រុងហាណូយ ប្រទេសវៀតណាម មកកាន់ក្រុងសៀមរាប ប្រទេសកម្ពុជា។ កិច្ចព្រមព្រៀងហោះហើរត្រង់រវាងក្រុងហាណូយ មកកាន់ក្រុងសៀមរាប គឺជាការកិច្ចព្រមព្រៀងដ៏មានសារៈសំខាន់ ដែលនឹងរួមចំណែកការធ្វើដំណើររបស់អ្នកទេសចរកាន់ទីក្រុងទេសចរណ៍វប្បធម៌របស់កម្ពុជា។
ខាងក្រោមនេះ គឺជាអត្ថបទសំខាន់នៃដំណើរទស្សនកិច្ចរបស់សម្តេចធិបតី ហ៊ុន ម៉ាណែត នៅវៀតណាម៖
១៖ នាយករដ្ឋមន្ត្រីវៀតណាម អបអរសាទរ សម្តេចធិបតី ហ៊ុន ម៉ាណែត ដែលត្រូវអង្គសន្និបាតគណៈកម្មាធិការកណ្តាលគណបក្សប្រជាជនកម្ពុជា បោះឆ្នោតជ្រើសតាំង ជាអនុប្រធានបក្ស http://fna.asia/6fe06e7
២៖ នាយករដ្ឋមន្រ្តីកម្ពុជា-វៀតណាម បង្ហាញនូវការពេញចិត្តចំពោះការគាំទ្រគ្នាទៅវិញទៅមក នៅលើវេទិកាអន្តរជាតិ http://fna.asia/6d552c0
៣៖ អគ្គលេខាធិការបក្សកុម្មុយនីស្តវៀតណាម៖ ដំណើរទស្សនកិច្ចរបស់សម្តេចធិបតី ហ៊ុន ម៉ាណែត នឹងធ្វើឱ្យទំនាក់ទំនងទ្វេភាគីកម្ពុជា-វៀតណាម មានវឌ្ឍនភាពរីកចម្រើនរឹងមាំបន្ថែមទៀត http://fna.asia/2946ec9
៤៖ ប្រមុខរដ្ឋវៀតណាម ចាត់ទុកដំណើរទស្សនកិច្ចរបស់សម្តេចធិបតី ហ៊ុន ម៉ាណែត ជាស្មារតីពង្រឹង និងពង្រីកទំនាក់ទំណងកម្ពុជា-វៀតណាម ឱ្យកាន់តែល្អប្រសើរ http://fna.asia/27d2b45
៥៖ សម្តេចធិបតី ហ៊ុន ម៉ាណែត ប្រាប់ប្រធានរដ្ឋសភាវៀតណាមថា រាជរដ្ឋាភិបាលនីតិកាលថ្មី នៅតែបន្តពូនជ្រុំទំនាក់ទំនងជាមួយវៀតណាម ដើម្បីប្រយោជន៍ប្រជាជាតិកម្ពុជា-វៀតណាម http://fna.asia/5c4cf30
៦៖ សម្តេចធិបតី ហ៊ុន ម៉ាណែត ជឿជាក់ថាទំនាក់ទំនងកម្ពុជា-វៀតណាម នៅតែរឹងមាំ ទោះសភាពការណ៍ពិភពលោកមានការវិវឌ្ឍន៍បែបណាក៏ដោយ (Video inside) http://fna.asia/90af6b9
៧៖ សម្តេចធិបតី ហ៊ុន ម៉ាណែត ចង់ឱ្យផ្សព្វផ្សាយពីសច្ចភាពប្រវត្តិសាស្ត្រនៃទំនាក់ទំនងកម្ពុជា-វៀតណាម ទៅប្រជាជនទាំងពីរ (Video inside) http://fna.asia/6c80d44
៨៖ កម្ពុជា-វៀតណាម កំណត់ទិសដៅរុញពាណិជ្ជកម្មទ្វេភាគីឱ្យបាន ២០ពាន់លានដុល្លារក្នុងពេលខាងមុខដ៏ខ្លី (Video inside) http://fna.asia/6d6709e
៩៖ សម្តេចធិបតី ហ៊ុន ម៉ាណែត លើកទឹកចិត្តឱ្យក្រុមហ៊ុន Viettel ពង្រីកការវិនិយោគនៅកម្ពុជា http://fna.asia/fee8f67
១០៖ ឯកសារចំនួន៣ ត្រូវបានចុះហត្ថលេខាក្រោមអធិបតីភាព សម្តេចធិបតី ហ៊ុន ម៉ាណែត និងនាយករដ្ឋមន្រ្តីវៀតណាម http://fna.asia/4e7c9bc
១១៖ កម្ពុជា-វៀតណាម ឯកភាពបើកការហោះហើរត្រង់ពីហាណូយ ទៅសៀមរាប http://fna.asia/b5312ba
១២៖ សម្តេចធិបតី ហ៊ុន ម៉ាណែត៖ ការហោះហើរត្រង់រវាងក្រុងហាណូយ និងខេត្តសៀមរាប ជាការតភ្ជាប់ដ៏សំខាន់រវាងកម្ពុជា-វៀតណាម ជួយដល់ការផ្លាស់ប្តូរអ្នកទេសចរ http://fna.asia/22fdc0c
១៣៖ សម្តេចធិបតី ហ៊ុន ម៉ាណែត៖ កម្ពុជាមិនមែនផ្តោតតែលើវិនិយោគថ្មីប៉ុណ្ណោះទេ តែក៏ផ្តល់នូវការយកចិត្តទុកដាក់រាល់គម្រោងវិនិយោគមានស្រាប់ http://fna.asia/f9d93eb
១៤៖ សម្តេចធិបតី ហ៊ុន ម៉ាណែត លើកទឹកចិត្តឱ្យធនាគារ BIDV បន្តពង្រីកវិសាលភាពសេវាកម្ម និងនាំយកនូវបច្ចេកវិទ្យាថ្មីៗ សម្រាប់ផ្តល់ជូនដល់អតិថិជននៅប្រទេសកម្ពុជា http://fna.asia/3e15a03
១៥៖ សម្តេចធិបតី ហ៊ុន ម៉ាណែត ប្រាប់ក្រុមហ៊ុនវិនិយោគថា រាជរដ្ឋាភិបាលកំពុងដាក់ចេញទិសដៅ ប្រែក្លាយការប្រកបរបរកសិកម្ម ជាលក្ខណៈគ្រួសារ ទៅជាបែបយុទ្ធសាស្ត្របម្រើឱ្យការនាំចេញ http://fna.asia/e63d563
១៦៖ សម្តេចធិបតី ហ៊ុន ម៉ាណែត ចាត់ទុកសមាគមមិត្តភាពវៀតណាម-កម្ពុជា ជាចំណែកសំខាន់មួយនៃការពង្រឹងទំនាក់ទំនងកម្ពុជា-វៀតណាម http://fna.asia/13ff3ed
១៧៖ សម្តេចធិបតី ហ៊ុន ម៉ាណែត៖ ការលើកកម្ពស់ទំនាក់ទំនងរវាងយុវជនកម្ពុជា និងវៀតណាម ជាការរួមចំណែកលើកកម្ពស់ទំនាក់ទំនងកម្ពុជា-វៀតណាម http://fna.asia/6fb0238
ខ្លឹមសារអត្តបទសំខាន់ៗនៅក្នុងសន្និសីទធ្វើសន្និសីទសារព័ត៌មានរបស់លោក តាន់ ហ្សង់ហ្វ្រង់ស័រ ស្តីពីលទ្ធផលនៃដំណើរទស្សនកិច្ចផ្លូវការរយៈពេល២ថ្ងៃ របស់សម្តេចធិបតី ហ៊ុន ម៉ាណែត នៅប្រទេសវៀតណាម រួមមាន៖
១៖ លោក ហ្សង់ហ្វ្រង់ស័រ បង្ហាញផ្លែផ្កានៃទស្សនកិច្ចផ្លូវការរបស់ សម្តេចធិបតី នៅវៀតណាម (Video inside)
Article: http://fna.asia/4915169
Youtube: https://youtu.be/lyJRd2t7L2A
២៖ សម្តេចធិបតី ហ៊ុន ម៉ាណែត ចង់បញ្ចប់ការកំណត់ព្រំដែនជាមួយវៀតណាមឱ្យបានឆាប់ កុំឱ្យក្លាយជាមេរោគសម្រាប់ទំនាក់ទំនង (Video inside)
Article: http://fna.asia/82fe8c6
Youtube: https://youtu.be/HJak1DdGIlw
៣៖ កម្ពុជាពន្យល់វៀតណាម រឿងសាងសង់ព្រែកជីកហ្វូណន-តេជោ, គម្រោងនៅតែបន្ត ព្រោះមានប្រយោជន៍ធំ ហើយមិនប៉ះពាល់បរិស្ថានទេ (Video inside)
Article: http://fna.asia/9518101
Youtube: https://youtu.be/JpN5lZwCoVM
៤៖ លោក តាន់ ហ្សង់ហ្វ្រង់ស័រ បង្ហាញភាពចាំបាច់ដែលនាំឱ្យ សម្តេចធិបតី ហ៊ុន ម៉ាណែត ជ្រើសរើសវៀតណាមជាប្រទេសទី១ នៅតំបន់អាស៊ាន ដើម្បីធ្វើទស្សនកិច្ចផ្លូវការ (Video inside)
Article: http://fna.asia/02fabe9
Youtube: https://youtu.be/VLJJvAeIe2I
៥៖ លោក តាន់ ហ្សង់ហ្វ្រង់ស័រ បកស្រាយលើសំណួរថា តើដំណើរទស្សនកិច្ចរបស់សម្តេចធិបតី ហ៊ុន ម៉ាណែត ជាការស្អំបេះដូងវៀតណាមឬយ៉ាងណា? (Video inside)
Article: http://fna.asia/05a7c37
Youtube: https://youtu.be/8Gp2lftNINw
៦៖ លោក ហ្សង់ហ្វ្រង់ស័រ៖ ពលរដ្ឋខ្មែរត្រូវប្រកាន់គោលការណ៍ «ខួរក្បាលធំជាងអណ្តាត» ដើម្បីទាញបានប្រយោជន៍ពីទំនាក់ទំនងអន្តរជាតិ (Video inside)
Article: http://fna.asia/36da8d8
YouTube: https://youtu.be/0-LEDdxtlBE
៧៖ លោក ហ្សង់ហ្វ្រង់ស័រ៖ រាល់ដំណើរទស្សនកិច្ចរបស់សម្តេចធិបតី ហ៊ុន ម៉ាណែត ទៅក្រៅប្រទេសគ្មានឡើយអារម្មណ៍ក្រោមសម្ពាធប្រទេសនេះ ឬប្រទេសនោះ (Video inside)
Article: http://fna.asia/ef585e8
YouTube: https://youtu.be/xy65i7W4ENk
