(ភ្នំពេញ)៖ TOUCH GLOBAL ជាកញ្ចប់សេវាកម្ម ឬជាទីប្រឹក្សាផ្នែករត់ឯកសារដោយស្រួល និងសុវត្ថិភាព១០០% ក្នុងការរៀបចំដំណើរកំសាន្ដ ឬស្នាក់នៅក្រៅប្រទេស ដោយស្របច្បាស់ ពិសេស សម្រាប់សិស្សានុសិស្ស ដែលរៀនពូកែនៅកម្ពុជា នឹងមានឱកាសទទួលបានអាហារូបករណ៍ ទៅសិក្សានៅតាមបណ្ដាប្រទេសល្បីថែមទៀតផង។

លោកស្រី យុយ សុផានិត ជា Board Advisor of touch global បានថ្លែងថា «មូលហេតុដែលយើងបង្កើត នៅកញ្ចប់សេវាកម្មក្នុងការរៀបចំនូវ​ឯកសារផ្សេងៗនេះ ក៏ព្រោះតែកន្លងមក បងប្អូនយើងមួយចំនួនធំ តែងតែជួបការលំបាកខ្លាំង ក្នុងការរៀបចំឯកសារទៅក្រៅប្រទេស មិនចេះត្រូវ ដោយសារតែខុសបច្ចេកទេស ពេលខ្លះរត់ការខុស ដូច្នេះសេវាកម្មយើងនឹងរៀបចំជូនពួកគាត់ទាំងអស់គ្នា មានភាពងាយស្រួល ឆាប់រហ័ស មិនខាតពេលវេលា និងមិនចំណាយលុយច្រើនលើកច្រើនសារនោះឡើយ»។

លោកស្រីបន្ដថា ការរៀបចំរត់ឯកសារនេះ គឺយើងមានគ្រប់ផ្នែកទាំងអស់ គឺកញ្ចប់សម្រាប់អ្នកដែលចង់ទៅរស់នៅក្រៅប្រទេស, កញ្ចប់ទៅដំណើរកំសាន្ដ, ពិសេសកញ្ចប់សម្រាប់ប្អូនៗសិស្សានុសិស្ស ដែលមានអាហារូបករណ៍ ទៅសិក្សានៅក្រៅប្រទេសទៀតផង ។

លោកស្រីបន្ថែមថា «អ្វីដែលពិសេសនោះ TOUCH GLOBAL ក៏ជាផ្នែកមួយក្នុងការស្វែងរកអាហារូបករណ៍ សិក្សានៅតាមបណ្ដាប្រទេសល្បី នៅលើពិភពលោក ដើម្បីផ្ដល់ជូនដល់សិស្សពូកែនៅកម្ពុជា ឲ្យកាន់តែទូលំទូលាយ ស្របច្បាប់ សុវត្ថិភាព ១០០%ទៀតផង»។

គួរបញ្ជាក់ថា  TOUCH GLOBAL មានវត្ដមាននៅកម្ពុជាជិតមួយឆ្នាំហើយ បន្ទាប់ពីមានបទពិសោធន៍ ជាច្រើនឆ្នាំជាមួយដៃគូនៅក្រៅប្រទេសល្បីលើពិភពលោក ហើយមកទល់ពេលនេះ មានសិស្សានុសិស្ស ដែលទទួលអាហារូបករណ៍ ទៅសិក្សានៅក្រៅប្រទេស និងពលរដ្ឋកម្ពុជា ដែលរត់ឯសារទៅរស់នៅ និងដើរកំសាន្ដ ជាច្រើនរយនាក់មកហើយតាមរយៈ TOUCH GLOBAL។ ជាក់ស្ដែងកាលពីចុងសប្ដាហ៍ TOUCH GLOBAL ក៏បង្ហាញពីបទពិសោធន៍ និងរបៀបនៃការរៀបចំឯកសារ ទៅធ្វើការ ទៅរស់នៅ ឬសិក្សានៅក្រៅ ប្រទេស ដល់អង្គភាពផ្សេងៗ រួមទាំងសិស្សានុសិស្សជាច្រើនរយនាក់ទៀត នៅCJCC៕