(ភ្នំពេញ)៖​ នាព្រឹកថ្ងៃទី១១ ខែធ្នូ ឆ្នាំ២០២៣នេះ​ លោក​ ប៉េង ពោធិ៍នា រដ្ឋមន្ត្រីក្រសួងសាធារណការ និងដឹកជញ្ជូន បានទទួលជួបពិភាក្សាការងារជាមួយគណៈប្រតិភូ វិទ្យាស្ថានសុវត្ថិភាពគ្រឿងចក្រនៃសាធារណរដ្ឋកូរ៉េ (KCESI) ដឹកនាំដោយលោក SungGi BEAK នាយកប្រតិបត្តិវិទ្យាស្ថាន ដោយមានការអញ្ជើញចូលរួមពីសំណាក់ លោក​ លោកសស្រី​ ជាថ្នាក់ដឹកនាំ និងមន្ត្រីពាក់ព័ន្ធមួយចំនួនផ្សេងទៀតផងដែរ។

ជំនួបនេះធ្វើឡើងក្នុងគោលបំណងដើម្បីជជែកពិភាក្សា ពិនិត្យលទ្ធភាព និងស្វែងរកឱកាសក្នុងការបង្កើតកិច្ចសហប្រតិបត្តិការ រវាងក្រសួងសាធារណការ និងដឹកជញ្ជូន ក៏ដូចជា វិទ្យាស្ថានតេជោសែន សាធារណការ និងដឹកជញ្ជូន ជាមួយនឹង វិទ្យាស្ថាន KCESI នៃសាធារណរដ្ឋកូរ៉េ ក្នុងវិស័យអប់រំបណ្តុះបណ្តាលធនធានមនុស្ស លើផ្នែកសុវត្ថិភាពគ្រឿងចក្រក្នុងវិស័យហេដ្ឋារចនាសម្ព័ន្ធ៕