(កំពត)៖ ជនសង្ស័យចែកចាយ និងប្រើប្រាស់ថ្នាំញៀន៤នាក់ ត្រូវកម្លាំងនគរបាលក្រុងកំពត ខេត្តកំពត ធ្វើការបង្ក្រាបបានជាបន្តបន្ទាប់ ក្នុងសង្កាត់ត្រើយកោះ និងសង្កាត់អណ្តូងខ្មែរ នៅក្រុងកំពត នៅយប់ថ្ងៃទី២១ ខែសីហា ឆ្នាំ២០១៦។
មន្ត្រីនគរបាលក្រុងកំពត បានប្រាប់ Fresh Newsថា ជនសង្ស័យទាំង៤នាក់ដែលឃាត់ខ្លួនបាន រួមមាន ទី១-ឈ្មោះ ចាន់ ឧត្តម អាយុ២២ឆ្នាំ ទី២-ឈ្មោះ ម៉ែន សកល អាយុ២៩ឆ្នាំ ទី៣-ឈ្មោះ យឹង កាយ អាយុ១៩ឆ្នាំ និងទី៤-ឈ្មោះ សូត សុផល្លី អាយុ១៩ឆ្នាំ ក្នុងនោះដែរកម្លាំងជំនាញដកហូតបាន ថ្នាំញៀនប្រភេទម៉ាទឹកកក២កញ្ចប់ ម៉ូតូ៣គ្រឿង និងទូរស័ព្ទដៃ៥គ្រឿង។
ក្រោយឃាត់ខ្លួនជនសង្ស័យ ត្រូវបាននាំយកមកសាកសួរ នៅអធិការដ្ឋាននគរបាលក្រុងកំពត ដើម្បីកសាងសំណុំរឿងចាត់ការតាមនីតិវិធី៕
