(ភ្នំពេញ)៖ របាយការណ៍បូកសរុបលទ្ធផល បង្ក្រាបបទល្មើសគ្រឿងញៀន ប្រចាំថ្ងៃទី២១ ខែសីហា ឆ្នាំ២០១៦ គិតត្រឹមម៉ោង១៦រសៀល របស់អគ្គស្នងការនគរបាលជាតិ បានឲ្យដឹងថា នៅថ្ងៃម្សិលមិញ កម្លាំងនគរបាលជាតិ បានបង្ក្រាបបទល្មើសជួញដូរ រក្សាទុក និងប្រើប្រាស់១០ករណី ឃាត់មនុស្ស១៨នាក់ (ស្រី៤នាក់) ក្នុងនោះមុខសញ្ញាជួញដូរ១៣នាក់ និងមុខសញ្ញាប្រើប្រាស់៥នាក់ ដកហូតមេតំហ្វេតាមីន (ice) ២៣.៥៧ក្រាម, ៣កញ្ចប់ធំនិង៤៨កញ្ចប់តូច មេតំហ្វេតាមីន (wy) ១កញ្ចប់តូច។
ជនសង្ស័យទាំងនោះត្រូវបានឃាត់ខ្លួននៅ៖ ភ្នំពេញ បង្រ្កាប២ករណីឃាត់ខ្លួន២នាក់, កណ្ដាល បង្រ្កាប៣ករណីឃាត់ខ្លួន៦នាក់, ព្រះសីហនុ បង្រ្កាប១ករណីឃាត់ខ្លួនម្នាក់, សៀមរាប បង្រ្កាប២ករណីឃាត់ខ្លួន៦នាក់, ត្បូងឃ្មុំ បង្រ្កាប១ករណីឃាត់ខ្លួនម្នាក់ និង រតនគីរីបង្រ្កាប១ករណីឃាត់ខ្លួន២នាក់៕
