(ព្រះសីហនុ)៖ នៅរសៀលថ្ងៃទី២០ ខែសីហា ឆ្នាំ២០១៦នេះ កម្លាំងនគរបាលខេត្តព្រះសីហនុ ក្រោមបញ្ជាផ្ទាល់ពីលោកឧត្តមសេនីយ៍ ជួន ណារិន្ទ ស្នងការនគរបាលខេត្ត បានធ្វើការឃាត់ខ្លួនជនសង្ស័យម្នាក់ ជាមុខសញ្ញាចែកចាយគ្រឿងញៀន និងដកហូតបានថ្នាំញៀន៣៦កញ្ចប់ នៅចំណុចក្រុមទី៩​ ភូមិ៤ សង្កាត់៤ ក្រុងព្រះសីហនុ។

លោកឧត្តមសេនីយ៍ ជួន ណារិន្ទ បានប្រាប់ Fresh News ឲ្យដឹងថា ជនសង្ស័យជាស្ដ្រី ដែលបានឃាត់ខ្លួននេះ ឈ្មោះ ឡាយ គឹមផេង អាយុ២០ឆ្នាំ មានស្រុកកំណើតនៅ ស្រុកបុទុមសាគរ ខេត្តកោះកុង​។

លោកស្នងការ​ បញ្ជាក់ទៀតថា ក្រោយពីឃាត់ខ្លួនកម្លាំងជំនាញរបស់លោក បានធ្វើការដកហូតថ្នាំញៀនប្រភេទ​មេតំហ្វេតាមីន​៣៦កញ្ចប់​ ទូរស័ព្ទដៃ១គ្រឿង និងជញ្ជីងថ្លឹងថ្នាំញៀន​១គ្រឿង ផងដែរ។ បច្ចុប្បន្នជនសង្ស័យត្រូវបានបញ្ជូនខ្លួនទៅសួរនាំ និងចាត់ការតាមនីតិវិធី៕