(ភ្នុំពេញ)៖ ប្រធានគណៈកម្មាធិការអូឡាំពិកកម្ពុជា លោក ថោង ខុន បានថ្លែងប្រាប់ Fresh News ឲ្យដឹងថា វិរៈកីឡាការិនីឆ្នើមកម្ពុជា ស៊ន សៀវម៉ី នឹងប្រកួតកីឡាតេក្វាន់ដូនៅ Rio Olympic Games 2016 ទល់នឹងកីឡាការិនីហូឡង់ Reshimie Oogink នាម៉ោង ៧៖៣០នាទីយប់នេះ ម៉ោងនៅកម្ពុជា។ (ម៉ោងកម្ពុជាដើរមុនប្រេស៊ីល១០ម៉ោង)។ សូមអញ្ជើញទស្សនា និងចូលរួមគាំទ្រលើកទឹកចិត្ត​កីឡាករកម្ពុជារបស់យើង។

នេះជា១ប្រកួតដំបូងរបស់ម្ចាស់មេដាយមាស ប្រចាំទ្វីបអាស៊ី សៀវម៉ី ក្នុងវគ្គជម្រុះ១៦នាក់ ប្រភេទទម្ងន់លើស ៦៧គីឡូក្រាម (+67kg) ដើម្បីដណ្តើមកៅអីឡើងទៅវគ្គ ៨នាក់ជាបន្តទៀត។

ដូច្នេះសូមបងប្អូនប្រជាពលរដ្ឋកម្ពុជា ចូលរួមលើកទឹកចិត្ត និងតាមដានលទ្ធផលទាំងអស់គ្នា នាម៉ោង៧៖៣០នាទី យប់ថ្ងៃសៅរ៍ ទី២០ ខែសីហា ឆ្នាំ២០១៦ នេះ ដែល សៀវម៉ី ប្រកួតគូទី ក្នុងចំណោម១៦នាក់ព្រមគ្នា៕