(ភ្នំពេញ)៖ ធនាគារជាតិនៃកម្ពុជា និងគណៈកម្មការសេដ្ឋកិច្ច និងសង្គមកិច្ចសម្រាប់អាស៊ី និងប៉ាស៊ីហ្វិក នៃអង្គការសហប្រជាជាតិ (UNESCAP) បានបើកកម្មវិធីទស្សនកិច្ចសិក្សាស្តីពី «បរិយាបន្នហិរញ្ញវត្ថុ» ដេីម្បីចែករំលែកគោលនយោបាយ ពាក់ព័ន្ធនឹងបរិយាបន្នហិរញ្ញវត្ថុ រវាងប្រទេសនីមួយៗ។
ទស្សនកិច្ចសិក្សាស្តីពី «បរិយាបន្នហិរញ្ញវត្ថុ» រៀបចំឡេីងក្រោមការចូលរួមពីលោក យឹម លាត ទេសាភិបាលរង ធនាគារជាតិនៃកម្ពុជា និងលោកស្រី Rupa Chandra ប្រធានការិយាល័យពាណិជ្ជកម្ម នវានុវត្តន៍ និងវិនិយោគ នៃUNESCAP រៀបចំឡេីងរយ:ពេល៣ថ្ងៃ ចាប់ពីថ្ងៃទី២៩ ខែវិច្ឆិកា ឆ្នាំ២០២៣ រហូតដល់ថ្ងៃទី១ ខែធ្នូ ឆ្នាំ២០២៣។
ទស្សនកិច្ចសិក្សាស្តីពី «បរិយាបន្នហិរញ្ញវត្ថុ» រៀបចំឡេីងក្នុងគោលបំណងចែករំលែក គោលនយោបាយពាក់ព័ន្ធនឹងបរិយាបន្នហិរញ្ញវត្ថុ រវាងប្រទេសនីមួយៗ និងមានការចូលរួមពីស្ថាប័នពាក់ព័ន្ធ នឹងវិស័យសេដ្ឋកិច្ច ពាណិជ្ជកម្ម ហិរញ្ញវត្ថុ និងធនាគារនៃប្រទេសហ្វីជី ប្រទេសកូឡុំប៊ី ប្រទេសម៉ាឡេស៊ី ប្រទេសប៊ូតង់ និងប្រទេសនេប៉ាល់។
លោក យឹម លាត បានថ្លែងថា ក្នុងនាមធនាគារជាតិនៃកម្ពុជា ពិតជារីករាយជាខ្លាំង ស្វាគមន៍ប្រតិភូ និងសហការីទាំងអស់ មកពីប្រទេសកូឡុំប៊ី ហ្វីជី ម៉ាឡេស៊ី ប៊ូតាន និងនេប៉ាល់ ទៅកាន់ទីមួយកម្មវិធីទស្សនកិច្ចសិក្សា ការអនុវត្តសហគមន៍របស់ UNESCAP ស្តីពីការដាក់បញ្ចូលហិរញ្ញវត្ថុ នៅទីក្រុងភ្នំពេញ បន្ថែមពីនេះសូមថ្លែងអំណរគុណ យ៉ាងជ្រាលជ្រៅ ចំពោះសហការីពី UNESCAP សម្រាប់ការគាំទ្រ និងការសម្របសម្រួលគ្មានទីបញ្ចប់ ដើម្បីបង្កើតកម្មវិធីទស្សនកិច្ចសិក្សានេះ៕
