(អង់ការ៉ា)​៖ នាយករដ្ឋមន្ត្រីតួកគី លោក Yildirim បានបញ្ជាក់ប្រាប់សារព័ត៌មានក្នុងស្រុកថា ក្នុងចំណោមមនុស្សស្លាប់ ៣នាក់ និងរងរបួសចំនួន ២១៧នាក់ នៅក្នុងបំផ្ទុះគ្រាប់បែកនៅខេត្ត Elazig តាមរយៈការ បង្កៃក្នុងរថយន្តក្បែរទីបញ្ជាការប៉ូលិសក្នុងខេត្ត។ នេះបើតាមការចេញផ្សាយ​ នៅមុននេះបន្តិច ដោយ បណ្តាញព័ត៌មានទាន់ហេតុការណ៍ នាយប់ថ្ងៃព្រហស្បតិ៍ ទី១៨ ខែសីហា ឆ្នាំ២០១៦។

គួរបញ្ជាក់ថា អាជ្ញាធរខេត្ត Elazig បានកំណត់មុខព្រួញក្រុម ដែលនៅពីក្រោយការវាយប្រហារ ខាងលើនេះថា ជាស្នាដៃរបស់ គណបក្សពលករឃើដ (PKK) ដែលបានធ្វើការបំផ្ទុះនៅវេលាម៉ោង ៩៖២០នាទី ព្រឹកថ្ងៃព្រហស្បតិ៍នេះ ម៉ោងនៅទីក្រុងអង់ការ៉ា។

តាមសេចក្តីរាយការណ៍ជាបឋម ផ្សែងហុយខ្មួលខ្មាញ់ ត្រូវបានគេប្រទះឃើញ នៅតំបន់ខាងលើនេះ ខណៈអគារនានានៅជុំវិញកន្លែងបំផ្ទុះ ក៏បានទទួល រងការខូចខាតផងដែរ៕