(ភ្នំពេញ)៖ លោក នេត្រ ភក្ត្រា រដ្ឋមន្ត្រីក្រសួងព័ត៌មាន បានស្នើឱ្យអ្នកសារព័ត៌មានកម្ពុជា-ចិន ត្រូវរួមគ្នាការពារសណ្តាប់ធ្នាប់ សុចរិត យុត្តិធម៌ នៃព័ត៌មានអន្តរជាតិ ដោយត្រូវប្រយុទ្ធ ប្រឆាំងព័ត៌មានក្លែងក្លាយ និងការជ្រៀតជ្រែកព័ត៌មាន ដើម្បីជំរុញការកសាងសហគមន៍ ជោគវាសនារួម នៃមនុស្សជាតិ។
លោក នេត្រ ភក្ត្រា ក៏បានសើ្នឱ្យអ្នកសារព័ត៌មាន ត្រូវបន្តការលើកកម្ពស់ការអនុវត្តជាយុទ្ធសាស្ត្រ នៃកិច្ចសហប្រតិបត្តិការប្រព័ន្ធផ្សព្វផ្សាយកម្ពុជា-ចិន ដោយត្រូវឈរលើមូលដ្ឋាននៃការសម្រេចរួមគ្នារបស់ថ្នាក់ដឹកនាំ នៃប្រទេសទាំងពីរ សម្រាប់ជាមូលដ្ឋានលើការអនុវត្តការងារ។
ថ្លែងក្នុងវេទិកាជាន់ខ្ពស់នៃប្រព័ន្ធផ្សាញផ្សាយកម្ពុជា-ចិន និងវេទិកាផ្លាស់ប្ដូរវប្បធម៌កម្ពុជា-ចិន លើកទី៣ នាព្រឹកថ្ងៃទី ១៧ ខែវិច្ឆិកា ឆ្នាំ២០២៣ នៅសណ្ឋាគារសុខាភ្នំពេញ លោករដ្ឋមន្ត្រី បានបន្តថា៖
* អគ្គស្ថានីយវិទ្យុ និងទូរទស្សន៍មជ្ឈិមចិន ដែលជាស្ថាប័នដឹកនាំផ្សព្វផ្សាយអន្តរជាតិ គួរតែពង្រឹងកិច្ចសហប្រតិបត្តិការជាមួយអង្គភាពព័ត៌មានស្របច្បាប់នៅកម្ពុជា លើវិស័យផ្សេងៗ ទៀត ដូចជា នវានុវត្តន៍បច្ចេកទេស ការបណ្តុះបណ្តាលធនធានមនុស្ស កិច្ចសហការផលិត និងចាក់ផ្សាយ និងការផ្លាស់ប្តូរវប្បធម៌ជាដើម។
* ត្រូវបង្កើនការយកចិត្តទុកដាក់ស្វែងយល់ពីប្រព័ន្ធផ្សព្វផ្សាយប្រទេសទាំងពីរ ដោយត្រូវឈរលើគុណតម្លៃវប្បធម៌ ប្រពៃណីទៅវិញទៅមក។
* បន្តជំរុញការផ្លាស់ប្តូរ និងការរួមបញ្ចូល គ្នានៃវប្បធម៌ប្រទេសទាំងពីរ ព្រមទាំងលើកកម្ពស់ការផ្សព្វផ្សាយពីសមិទ្ធផលនៃកិច្ចសហប្រតិបត្តិការ និងទំនាក់ទំនងរវាងប្រជាជនប្រទេសទាំងពីរ លើវិស័យផ្សេងៗ រួមមានវប្បធម៌ អប់រំ ទេសចរណ៍ និងកីឡាជាដើម និង ពង្រឹងកិច្ចសហប្រតិបត្តិការក្រោមគោលការណ៍រួមនៃយុត្តិធម៌ ការជឿទុកចិត្ត សមភាព វឌ្ឍនភាព និងផលប្រយោជន៍ ដោយអនុវត្តកិច្ចសហប្រតិបត្តិការទូលំទូលាយជាមួយប្រព័ន្ធ ផ្សព្វផ្សាយផ្សេងៗនៅលើឆាកអន្តរជាតិ។
លោករដ្ឋមន្ត្រីគូសបញ្ជាក់ថា ប្រទេសកម្ពុជានិងប្រទេសចិន គឺជាមិត្តពិតប្រាកដ និងជួយគ្នាក្នុងគ្រាលំបាក។ ប្រទេសទាំងពីរ គឺជាបងប្អូនល្អ ដែលតែងតែផ្តល់នូវជំនឿជឿជាក់គ្នាទៅវិញទៅមកជានិច្ច។ ឆ្នាំនេះ គឺជាខួបគម្រប់៦៥ឆ្នាំ នៃការបង្កើតចំណងការទូតកម្ពុជា-ចិន និងជាឆ្នាំមិត្តភាពកម្ពុជា-ចិន ហើយក៏ជាខួបគម្រប់១០ឆ្នាំនៃការ ដាក់ចេញនូវ «គំនិតផ្តួចផ្តើមខ្សែក្រវាត់និងផ្លូវ» ផងដែរ។
លោកបន្ថែមថា ក្រោមការដឹកនាំជាយុទ្ធសាស្ត្ររបស់ថ្នាក់ ដឹកនាំនៃប្រទេសទាំងពីរ កម្ពុជានិងចិនបានបង្កើតក្របខណ្ឌកិច្ចសហប្រតិបត្តិការ ត្បូងពេជ្រ ដោយបានចាប់ផ្តើមពីវិស័យធំៗ ចំនួន៦ រួមមាន នយោបាយ សមត្ថភាពផលិតកម្ម កសិកម្ម ថាមពល សន្តិសុខ និង ការផ្លាស់ប្តូររវាងប្រជាជននិងប្រជាជន ដើម្បីផ្ដល់កម្លាំងចលករថ្មី ដល់សហគមន៍ជោគវាសនារួមកម្ពុជា-ចិនក្នុងយុគសម័យថ្មី និងផ្តល់នូវផលប្រយោជន៍ជាក់ស្តែងដល់ប្រជាជននៃប្រទេសទាំងពីរ។
លោក Wang Wentian ឯកអគ្គរដ្ឋទូតចិនប្រចាំកម្ពុជា ថ្លែងថា ទំនាក់ទំនងប្រព័ន្ធផ្សព្វផ្សាយ គឺជាធាតុផ្សំសំខាន់នៃការផ្លាស់ប្តូរប្រជាជននិងប្រជាជន រវាងកម្ពុជានិងចិន។ ប៉ុន្មានឆ្នាំមកនេះ ទំនាក់ទំនងប្រព័ន្ធផ្សព្វផ្សាយប្រទេសទាំងពីរមានញឹកញាប់ ទទួលបានលទ្ធផលលេចធ្លោ និងបានក្លាយជាអ្នកចូលរួមដ៏សំខាន់ និងអ្នកជំរុញដ៏វិជ្ជមាន នូវកិច្ចសហប្រតិបត្តិការផ្តល់ប្រយោជន៍ឱ្យគ្នាលើគ្រប់វិស័យទាំងអស់រវាងកម្ពុជានិង ចិន។ យុគសម័យថ្មី ចំណុចចាប់ផ្តើមថ្មី អនាគតកិច្ចសហប្រតិបត្តិការប្រព័ន្ធផ្សព្វផ្សាយ ប្រទេសទាំងពីរទូលំទូលាយ និងមានក្តីសង្ឃឹម។
លោកឯកអគ្គរដ្ឋទូត ថ្លែងបន្តថា ឆ្នាំ២០២៣ គឺជាឆ្នាំសំខាន់មួយនៃការបន្តស្នង និងការបង្កើតអនាគតនៃទំនាក់ទំនងកម្ពុជា-ចិន សម្រាប់មនុស្សជំនាន់ក្រោយ។ ឆ្នាំនេះ ទំនាក់ទំនងជាន់ខ្ពស់នៃប្រទេសទាំងពីរឡើង ដល់កម្រិតខ្ពស់មួយដែលពុំធ្លាប់មានពីមុនមក។ លោក ស៉ី ជីនភីង ប្រធានរដ្ឋចិន បានមានជំនួបជាច្រើនលើកជាមួយព្រះករុណា ព្រះបាទសម្ដេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា សម្តេចអគ្គមហាសេនាបតីតេជោ ហ៊ុន សែន និង សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ដោយបានឯកភាពគ្នារួមក្នុងកម្រិតខ្ពស់ លើការជំរុញការបន្ស៊ីគ្នារវាងគំនិតផ្តួចផ្តើម ខ្សែក្រវាត់និងផ្លូវ និង យុទ្ធសាស្ត្របញ្ចកោណ ការបង្កើតល្បឿនបំពេញបន្ថែមក្រមខណ្ឌកិច្ចសហប្រតិបត្តិការ ត្បូងពេជ្រ និង ការកសាង ច្រករបៀងអភិវឌ្ឍឧស្សាហកម្ម និង ច្រករបៀងត្រីនិងស្រូវ រួមគ្នាដឹកនាំសហគមន៍ជោគវាសនារួម កម្ពុជា-ចិន ឱ្យចូលក្នុងយុគសម័យថ្មីប្រកបដោយការអភិវឌ្ឍ គុណភាពខ្ពស់ កម្រិតខ្ពស់ និង ស្តង់ដារខ្ពស់៕លោក នេត្រ ភក្ត្រា ស្នើអ្នកសារព័ត៌មានកម្ពុជា-ចិន រួមគ្នាការពារសណ្តាប់ធ្នាប់ សុចរិត យុត្តិធម៌ នៃព័ត៌មានអន្តរជាតិ ដោយត្រូវប្រយុទ្ធប្រឆាំងព័ត៌មានក្លែងក្លាយ និងការជ្រៀតជ្រែកព័ត៌មាន
(ភ្នំពេញ)៖ លោក នេត្រ ភក្ត្រា រដ្ឋមន្ត្រីក្រសួងព័ត៌មាន បានស្នើឱ្យអ្នកសារព័ត៌មានកម្ពុជា-ចិន ត្រូវរួមគ្នាការពារសណ្តាប់ធ្នាប់ សុចរិត យុត្តិធម៌ នៃព័ត៌មានអន្តរជាតិ ដោយត្រូវប្រយុទ្ធ ប្រឆាំងព័ត៌មានក្លែងក្លាយ និងការជ្រៀតជ្រែកព័ត៌មាន ដើម្បីជំរុញការកសាងសហគមន៍ ជោគវាសនារួម នៃមនុស្សជាតិ។
លោក នេត្រ ភក្ត្រា ក៏បានសើ្នឱ្យអ្នកសារព័ត៌មាន ត្រូវបន្តការលើកកម្ពស់ការអនុវត្តជាយុទ្ធសាស្ត្រ នៃកិច្ចសហប្រតិបត្តិការប្រព័ន្ធផ្សព្វផ្សាយកម្ពុជា-ចិន ដោយត្រូវឈរលើមូលដ្ឋាននៃការសម្រេចរួមគ្នារបស់ថ្នាក់ដឹកនាំ នៃប្រទេសទាំងពីរ សម្រាប់ជាមូលដ្ឋានលើការអនុវត្តការងារ។
ថ្លែងក្នុងវេទិកាជាន់ខ្ពស់នៃប្រព័ន្ធផ្សាញផ្សាយកម្ពុជា-ចិន និងវេទិកាផ្លាស់ប្ដូរវប្បធម៌កម្ពុជា-ចិន លើកទី៣ នាព្រឹកថ្ងៃទី ១៧ ខែវិច្ឆិកា ឆ្នាំ២០២៣ នៅសណ្ឋាគារសុខាភ្នំពេញ លោករដ្ឋមន្ត្រី បានបន្តថា៖
* អគ្គស្ថានីយវិទ្យុ និងទូរទស្សន៍មជ្ឈិមចិន ដែលជាស្ថាប័នដឹកនាំផ្សព្វផ្សាយអន្តរជាតិ គួរតែពង្រឹងកិច្ចសហប្រតិបត្តិការជាមួយអង្គភាពព័ត៌មានស្របច្បាប់នៅកម្ពុជា លើវិស័យផ្សេងៗ ទៀត ដូចជា នវានុវត្តន៍បច្ចេកទេស ការបណ្តុះបណ្តាលធនធានមនុស្ស កិច្ចសហការផលិត និងចាក់ផ្សាយ និងការផ្លាស់ប្តូរវប្បធម៌ជាដើម។
* ត្រូវបង្កើនការយកចិត្តទុកដាក់ស្វែងយល់ពីប្រព័ន្ធផ្សព្វផ្សាយប្រទេសទាំងពីរ ដោយត្រូវឈរលើគុណតម្លៃវប្បធម៌ ប្រពៃណីទៅវិញទៅមក។
* បន្តជំរុញការផ្លាស់ប្តូរ និងការរួមបញ្ចូល គ្នានៃវប្បធម៌ប្រទេសទាំងពីរ ព្រមទាំងលើកកម្ពស់ការផ្សព្វផ្សាយពីសមិទ្ធផលនៃកិច្ចសហប្រតិបត្តិការ និងទំនាក់ទំនងរវាងប្រជាជនប្រទេសទាំងពីរ លើវិស័យផ្សេងៗ រួមមានវប្បធម៌ អប់រំ ទេសចរណ៍ និងកីឡាជាដើម និង ពង្រឹងកិច្ចសហប្រតិបត្តិការក្រោមគោលការណ៍រួមនៃយុត្តិធម៌ ការជឿទុកចិត្ត សមភាព វឌ្ឍនភាព និងផលប្រយោជន៍ ដោយអនុវត្តកិច្ចសហប្រតិបត្តិការទូលំទូលាយជាមួយប្រព័ន្ធ ផ្សព្វផ្សាយផ្សេងៗនៅលើឆាកអន្តរជាតិ។
លោករដ្ឋមន្ត្រីគូសបញ្ជាក់ថា ប្រទេសកម្ពុជានិងប្រទេសចិន គឺជាមិត្តពិតប្រាកដ និងជួយគ្នាក្នុងគ្រាលំបាក។ ប្រទេសទាំងពីរ គឺជាបងប្អូនល្អ ដែលតែងតែផ្តល់នូវជំនឿជឿជាក់គ្នាទៅវិញទៅមកជានិច្ច។ ឆ្នាំនេះ គឺជាខួបគម្រប់៦៥ឆ្នាំ នៃការបង្កើតចំណងការទូតកម្ពុជា-ចិន និងជាឆ្នាំមិត្តភាពកម្ពុជា-ចិន ហើយក៏ជាខួបគម្រប់១០ឆ្នាំនៃការ ដាក់ចេញនូវ «គំនិតផ្តួចផ្តើមខ្សែក្រវាត់និងផ្លូវ» ផងដែរ។
លោកបន្ថែមថា ក្រោមការដឹកនាំជាយុទ្ធសាស្ត្ររបស់ថ្នាក់ ដឹកនាំនៃប្រទេសទាំងពីរ កម្ពុជានិងចិនបានបង្កើតក្របខណ្ឌកិច្ចសហប្រតិបត្តិការ ត្បូងពេជ្រ ដោយបានចាប់ផ្តើមពីវិស័យធំៗ ចំនួន៦ រួមមាន នយោបាយ សមត្ថភាពផលិតកម្ម កសិកម្ម ថាមពល សន្តិសុខ និង ការផ្លាស់ប្តូររវាងប្រជាជននិងប្រជាជន ដើម្បីផ្ដល់កម្លាំងចលករថ្មី ដល់សហគមន៍ជោគវាសនារួមកម្ពុជា-ចិនក្នុងយុគសម័យថ្មី និងផ្តល់នូវផលប្រយោជន៍ជាក់ស្តែងដល់ប្រជាជននៃប្រទេសទាំងពីរ។
លោក Wang Wentian ឯកអគ្គរដ្ឋទូតចិនប្រចាំកម្ពុជា ថ្លែងថា ទំនាក់ទំនងប្រព័ន្ធផ្សព្វផ្សាយ គឺជាធាតុផ្សំសំខាន់នៃការផ្លាស់ប្តូរប្រជាជននិងប្រជាជន រវាងកម្ពុជានិងចិន។ ប៉ុន្មានឆ្នាំមកនេះ ទំនាក់ទំនងប្រព័ន្ធផ្សព្វផ្សាយប្រទេសទាំងពីរមានញឹកញាប់ ទទួលបានលទ្ធផលលេចធ្លោ និងបានក្លាយជាអ្នកចូលរួមដ៏សំខាន់ និងអ្នកជំរុញដ៏វិជ្ជមាន នូវកិច្ចសហប្រតិបត្តិការផ្តល់ប្រយោជន៍ឱ្យគ្នាលើគ្រប់វិស័យទាំងអស់រវាងកម្ពុជានិង ចិន។ យុគសម័យថ្មី ចំណុចចាប់ផ្តើមថ្មី អនាគតកិច្ចសហប្រតិបត្តិការប្រព័ន្ធផ្សព្វផ្សាយ ប្រទេសទាំងពីរទូលំទូលាយ និងមានក្តីសង្ឃឹម។
លោកឯកអគ្គរដ្ឋទូត ថ្លែងបន្តថា ឆ្នាំ២០២៣ គឺជាឆ្នាំសំខាន់មួយនៃការបន្តស្នង និងការបង្កើតអនាគតនៃទំនាក់ទំនងកម្ពុជា-ចិន សម្រាប់មនុស្សជំនាន់ក្រោយ។ ឆ្នាំនេះ ទំនាក់ទំនងជាន់ខ្ពស់នៃប្រទេសទាំងពីរឡើង ដល់កម្រិតខ្ពស់មួយដែលពុំធ្លាប់មានពីមុនមក។ លោក ស៉ី ជីនភីង ប្រធានរដ្ឋចិន បានមានជំនួបជាច្រើនលើកជាមួយព្រះករុណា ព្រះបាទសម្ដេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា សម្តេចអគ្គមហាសេនាបតីតេជោ ហ៊ុន សែន និង សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ដោយបានឯកភាពគ្នារួមក្នុងកម្រិតខ្ពស់ លើការជំរុញការបន្ស៊ីគ្នារវាងគំនិតផ្តួចផ្តើម ខ្សែក្រវាត់និងផ្លូវ និង យុទ្ធសាស្ត្របញ្ចកោណ ការបង្កើតល្បឿនបំពេញបន្ថែមក្រមខណ្ឌកិច្ចសហប្រតិបត្តិការ ត្បូងពេជ្រ និង ការកសាង ច្រករបៀងអភិវឌ្ឍឧស្សាហកម្ម និង ច្រករបៀងត្រីនិងស្រូវ រួមគ្នាដឹកនាំសហគមន៍ជោគវាសនារួម កម្ពុជា-ចិន ឱ្យចូលក្នុងយុគសម័យថ្មីប្រកបដោយការអភិវឌ្ឍ គុណភាពខ្ពស់ កម្រិតខ្ពស់ និងស្តង់ដារខ្ពស់៕
