(ភ្នំពេញ)៖ លោក គីម ប៊ុនថាន រដ្ឋមន្ត្រីប្រតិភូអមនាយករដ្ឋមន្ត្រី តំណាងសម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា នៅថ្ងៃទី១៩ ខែតុលា ឆ្នាំ២០២៣នេះ បានអញ្ជើញចូលរួមសំណេះសំណាល និងប្រគល់-ទទួល សម្ភារៈអំណោយដ៏ថ្លៃថ្លា របស់សម្តេចធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី ប្រគល់ជូនបណ្តាអង្គភាពនានា នៃយោធភូមិភាគទី៤។

ក្នុងនោះ ក៏មានការអមដំណើរ ដោយនាយឧត្តមសេនីយ៍ ខេង សុមេធ អគ្គស្នងការរងនគរបាលជាតិ ជំនួយការដឹកនាំរួមការងារព្រំដែន ជាមេបញ្ជាការនគរបាលទិសភូមិភាគទី៣ ទី៤ និងទី៥ ព្រមទាំងលោកឧត្តមសេនីយ៍ទោ ស៊ឹម សំអាត ប្រធាននាយកដ្ឋាននគរបាល ការពារព្រំដែនគោក​។

បណ្តាអង្គភាពនានា នៃយោធភូមិភាគទី៤ ដែលទទួលបានសម្ភារ គ្រឿងបរិភោគ និងថវិកា មានដូចខាងក្រោម៖

១៖ បញ្ជាការដ្ឋានកងពលតូចអន្តរាគមន៍លេខ ៦ ចំណុះកងពលធំអន្តរាគមន៍លេខ​២៖ បង្គោលអង់តែន កំពស់ ៧២ម៉ែត្រ ១បង្គោល, ម៉ូតូ Honda Wave ១៥គ្រឿង, ស៊ីម៉ងត៍ ១០០តោន, វិទ្យុទាក់ទងកាន់ដៃ Motorola ៥០គ្រឿង, វិទ្យុទាក់ទងលើតុ Kenwood ៦គ្រឿង, ម៉ាស៊ីន GPS កាន់ដៃ ១០គ្រឿង, អង្ករ ២តោន, មី ៥០កេស, ត្រីខ ១០កេស និងថវិកា៥លានរៀល។

២៖ បញ្ជាការដ្ឋានកងពលតូចអន្តរាគមន៍លេខ ៨ ចំណុះកងពលធំអន្តរាគមន៍លេខ​៣៖ ម៉ូតូ Honda Wave ១៨គ្រឿង, ស័ង្កសី ៨,៥០០សន្លឹក, ស៊ីម៉ងត៍ ១០០តោន, វិទ្យុទាក់ទងកាន់ដៃ Motorola១០០គ្រឿង, វិទ្យុទាក់ទងលើតុ Kenwood ៨គ្រឿង, ម៉ាស៊ីន GPS កាន់ដៃ ២០គ្រឿង, អង្ករ ២តោន, មី ៥០កេស, ត្រីខ ១០កេស និងថវិកា៥លានរៀល៕