(ភ្នំពេញ)៖ របាយការណ៍បូកសរុបលទ្ធផល បង្ក្រាបបទល្មើសគ្រឿងញៀន ប្រចាំថ្ងៃទី១៤ ខែសីហា ឆ្នាំ២០១៦ គិតត្រឹមម៉ោង១៦រសៀល របស់អគ្គស្នងការនគរបាលជាតិ បានឲ្យដឹងថា នៅថ្ងៃម្សិលមិញ កម្លាំងនគរបាលជាតិ បានបង្ក្រាបបទល្មើសជួញដូរ រក្សាទុក និងប្រើប្រាស់៦ករណី ឃាត់មនុស្ស១៤នាក់ ក្នុងនោះមុខសញ្ញាជួញដូរ១០នាក់ និងមុខសញ្ញាប្រើប្រាស់៤នាក់ ដកហូតមេតំហ្វេតាមីន (ice) ២២.៣៥ក្រាម, ១កញ្ចប់ធំ និង៤៣កញ្ចប់តូច។
ជនសង្ស័យទាំងនោះត្រូវបានឃាត់ខ្លួនដោយ នគរបាលមន្ទីរប្រឆាំងគ្រឿងញៀន បង្ក្រាប១ករណីឃាត់ខ្លួន២នាក់, នគរបាលភ្នំពេញ បង្ក្រាប១ករណីឃាត់ខ្លួន៣នាក់, នគរបាលកណ្ដាល បង្ក្រាប៣ករណីឃាត់ខ្លួន៥នាក់, នគរបាលសៀមរាប បង្ក្រាប១ករណីឃាត់ខ្លួន៤នាក់៕
