(ប៉េកាំង, ចិន)៖ នៅព្រឹកថ្ងៃអង្គារ ទី១៧ ខែតុលា ឆ្នាំ២០២៣នេះ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានអនុញ្ញាតឱ្យលោក លី ខ័រ (Li Kuo) ប្រធានក្រុមហ៊ុន China Metro Group ចូលជួបសម្តែងការគួរសម និងពិភាក្សាការងារ។
ជំនួបធ្វើឡើងនៅរដ្ឋធានីប៉េកាំង ប្រទេសចិន ទីដែលសម្តេចធិបតី ហ៊ុន ម៉ាណែត អញ្ជើញចូលរួមវេទិកា «ខ្សែក្រវាត់ និងផ្លូវ» លើកទី៣។
សូមបញ្ជាក់ថា ក្រុមហ៊ុន China Metro Group គឺជាក្រុមហ៊ុនសាងសង់ហេដ្ឋារចនាសម្ព័ន្ធដ៏ធំរបស់ចិន។ ក្រុមហ៊ុននេះ បានវិនិយោគលើការសាងសង់ផ្លូវថ្នល់ ផ្លូវដែក និងផ្លូវល្បឿនលឿនជាច្រើននៅក្នុងប្រទេសចិន និងបណ្តាប្រទេសនានា៕
