(ព្រៃវែង)៖ លោក ប៉ោ ភក្ដិ អនុប្រធានគណបក្សប្រជាជនកម្ពុជាស្រុកកំពង់ត្របែក និងជាប្រធានក្រុមការងារចុះជួយឃុំគោខ្ចក បានជំរុញឲ្យសមាជិកបក្សក្នុងមូលដ្ឋាន បង្កើនសកម្មភាព និងបន្ដដោះស្រាយបញ្ហាជូនប្រជាពលរដ្ឋជាប្រចាំ ដើម្បីបំពេញតម្រូវការរបស់ពួកគាត់។
ការជំរុញរបស់លោក ប៉ោ ភក្ដិ បែបនេះ ធ្វើឡើងនៅព្រឹកថ្ងៃទី១៣ ខែសីហា ឆ្នាំ២០១៦នេះ ក្នុងពិធីជួបសំណេះសំណាល ប្រធាន អនុប្រធាន ក្រុមការងារគណបក្សឃុំ-ភូមិ សរុបប្រមាណ១០០នាក់ ដើម្បីផ្សព្វផ្សាយផែនការគ្រប់គ្រងពង្រឹងសមាជិកគណបក្ស។
ក្រៅពីជំរុញសកម្មភាពរបស់សមាជិកបក្សនេះ លោកក៏បានធ្វើពិធីសង្ឃភត្តជូនលោកយាយ ព្រាប ផាន់ អាយុ៩០ឆ្នាំ នៅភូមិគោកក្រោកផងដែរ។
ជាមួយគ្នានោះដែរ លោកក៏បាន ពាំនាំបច្ច័យ ចូលរួមបុណ្យ និងចែកថវិកា ជូនលោកយាយ លោកតា ដែលចូលរួមក្នុងម្នាក់ៗទទួលបាន ១០,០០០រៀល ផងដែរ៕
