(កណ្តាល)៖ បុរសម្នាក់ជិះរថយន្តដេញបាញ់ អ្នកជិះម៉ូតូស្លាប់ នៅទឹកដីឃុំព្រែករការ ស្រុកកណ្តាលស្ទឹង ខេត្តកណ្តាល ដោយមិនទាន់ដឹងមូលហេតុ នៅមុននេះបន្តិចនាល្ងាចថ្ងៃទី១០ ខែសីហា ឆ្នាំ២០១៦នេះ។
លោក មាន ច័ន្ទរិទ្ធ អធិការនគរបាលស្រុកកណ្តាលស្ទឹង បានបញ្ជាក់ថា ពិតជាមានបុរសម្នាក់ ត្រូវបានប្រទះឃើញស្លាប់មែន តែមិនទាន់ដឹងជាករណីអ្វីនៅឡើយទេ។
តាមសេចក្តីរាយការណ៍បឋមពីភ្នាក់ងារ Fresh News បានឲ្យដឹងថា ជនល្មើសបើករថយន្តមួយគ្រឿង មិនស្គាល់ស្លាកលេខ។ នៅពេលនេះកម្លាំងនគរបាល និងអាវុធហត្ថ ជាច្រើននាក់ បាននិងកំពុងចុះ ទៅជួយអន្តរាគមន៍ហើយ៕
