(ភ្នំពេញ)៖ វេទិកាយុវជនលើកទី២ នៃសមាគមជាតិកាកបាទក្រហម និងអឌ្ឍចន្ទក្រហម ភូមិភាគអាស៊ីអាគ្នេយ៍ ចាប់ពីថ្ងៃទី១៧-២០ ខែកញ្ញា ឆ្នាំ២០២៣ ដែលកាកបាទក្រហមកម្ពុជាធ្វើជាម្ចាស់ផ្ទះ មានការអញ្ជើញចូលរួមពីប្រតិភូយុវជន​មកពី​សមាគមជាតិចំនួន​ ១០​ ក្នុងភូមិភាគអាស៊ី-អាគ្នេយ៍ រួមមានកាកបាទក្រហមឥណ្ឌូនេស៊ី, កាកបាទក្រហមឡាវ, អឌ្ឍចន្ទក្រហមម៉ាឡេស៊ី, កាកបាទក្រហមមីយ៉ាន់ម៉ា, កាកបាទក្រហមហ្វីលីពីន, កាកបាទក្រហមសិង្ហបុរី, កាកបាទក្រហមថៃ, កាកបាទក្រហមទីម័រខាងកើត និងកាកបាទក្រហមវៀតណាម។

ប្រតិភូយុវជន​ខាងលើនេះ បានអញ្ជើញមកដល់កម្ពុជានៅថ្ងៃទី១៦ ខែកញ្ញា ឆ្នាំ២០២៣ ដើម្បីចូលរួមវេទិកាយុវជនលើកទី២នេះ ដែលបានចាប់ផ្ដើមដំណើរការនៅថ្ងៃទី១៧ ខែកញ្ញា ឆ្នាំ២០២៣នេះ ដែលប្រព្រឹត្ដិទៅ នៅសណ្ឋាគារសុខា។

ក្នុងនោះប្រតិភូយុវជនអន្តរជាតិ ចំនួន៣ប្រទេស គឺលោក Phonpisith Richkamroph សមាជិកបណ្ដាញយុវជនអាស៊ីអាគ្នេយ៍ កាកបាទក្រហមថៃ, លោក Lee Van Can អ្នកស្ម័គ្រចិត្ត អឌ្ឍចន្ទក្រហមម៉ាឡេស៊ី និងកញ្ញា Camille Ramirez Baring ប្រធានយុវជន កាកបាទក្រហមហ្វីលីពីន បានបង្ហាញចំណាប់អារម្មណ៍នៅថ្ងៃដំបូងនេះកិច្ចប្រជុំដែលកម្ពុជាធ្វើម្ចាស់។

សូមទស្សនាកិច្ចសម្ភាសដែលមានដូចខាងក្រោមនេះ៖