(ភ្នំពេញ)៖ នៅរសៀលថ្ងៃទី០៩ ខែសីហា ឆ្នាំ២០១៦នេះ «សហភាពសហព័ន្ធ អ្នកសារព័ត៌មានកម្ពុជា» ដែលទើបប្រកាសទទួលស្គាល់ផ្លូវការ ពីក្រសួងព័ត៌មាន ក្រោមការចុះហត្ថលេខាដោយលោករដ្ឋមន្រ្តី ខៀវ កាញ្ញារីទ្ធ ព្រមទាំងទទួលបានការឧបត្ថម្ភថវិកាចំនួន៥០០០ដុល្លារផងដែរ សម្រាប់ទ្រទ្រង់ដំណើរការរបស់ សហភាពសហព័ន្ធផងនោះ, លោក ហ៊ុយ វណ្ណៈ ប្រធានដឹកនាំ សហភាពសហព័ន្ធ អ្នកសារព័ត៌មានកម្ពុជា បានផ្ញើលិខិតថ្លែងអំណរគុណយ៉ាងអនេកចំពោះលោក ខៀវ កាញ្ញារីទ្ធ រដ្ឋមន្រ្តីក្រសួងព័ត៌មាន ចំពោះកាយវិការដ៏ប្រពៃរបស់លោក។

នៅក្នុងលិខិតរបស់លោក ហ៊ុយ វណ្ណៈ តំណាង ស.ស.ស.ក បានថ្លែងថា៖ «យើងខ្ញុំទាំងអស់គ្នា សូមថ្លែងអំណរគុណយ៉ាងជ្រាលជ្រៅចំពោះឯកឧត្តម រដ្ឋមន្រ្តី ដែលបានផ្តល់ថវិការចំនួន៥០០០ដុល្លារ ស្នើនឹង២០លានរៀល ជួយឧបត្ថម្ភទ្រទ្រង់ដំណើការរបស់ សហភាពសហព័ន្ធអ្នកសារព័ត៌មានកម្ពុជា។ កាគាំទ្រ និងសមាណចិត្តដ៏ថ្លៃថ្លានេះគឺបង្ហាញ នូវការយកចិត្តទុកដាក់គ្រប់ពេលវេលា​របស់ ឯកឧត្តមរដ្ឋមន្រ្តី ចំពោះអ្នកសារព័ត៌មាន»។

ប្រធានដឹកនាំរូបនោះបានបញ្ជាក់យ៉ាងដូច្នេះទៀតថា «អ្វីក៏អាចធ្វើឲ្យកើតឡើងប្រកបដោយផ្លែផ្លា គឺដោយចាប់ផ្តើមពីការរួមគ្នាជាធ្លុងមួយ និងពីអ្នកទាំងឡាយដែលនៅជិតយើងបំផុត! យើងខ្ញុំនឹងប្រើប្រាស់ថវិកានេះឲ្យបានត្រឹមត្រូវបំផុត»។

សូមជំរាបថា សហភាពសហព័ន្ធ អ្នកសារព័ត៌មានកម្ពុជា ត្រូវបានបង្កើតឡើងដោយការរួមដៃគ្នារវាងអ្នកកាសែត និងអតីតអ្នកកាសែត ដែលមានបទពិសោធន៍ បំរើការងារនៅស្ថាប័នជាតិនិងអន្តរជាតិផ្សេងៗគ្នារួមមាន៖ ពីទូរទស្សន៍ CTN CNC My TV OneTV, CTN International, BTV TV9 TV11 TV8 Hang Meas TV SEATV TV5 TV3 TVK NTV Phnom Penh Time, សារព័ត៌មាន Fresh News (App+Website), សារព័ត៌មាន Khmer Times និង Kampuchea Thmey ។

ខាងក្រោមនេះជាលិខិតថ្លែងអំណរគុណ ចំពោះរដ្ឋមន្រ្តីក្រសួងព័ត៌មាន៖