(សៀមរាប)៖ លោកអភិសន្ដិបណ្ឌិត ស សុខា ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃ នៅរសៀលថ្ងៃទី០៥ ខែកញ្ញា ឆ្នាំ២០២៣នេះ បានអញ្ជើញជាអធិបតីភាព ពិធីប្រកាសចូលកាន់តំណែង លោក ប្រាក់ សោភ័ណ ជាអភិបាលខេត្តសៀមរាប។
គួរជម្រាបថា លោក ប្រាក់ សោភ័ណ អតីតអភិបាលរងខេត្តសៀមរាប ត្រូវបានតែងតាំងជា អភិបាលខេត្តសៀមរាប ជំនួសលោក ទៀ សីហា ដែលត្រូវបានតែងតាំងជាឧបនាយករដ្ឋមន្ដ្រី រដ្ឋមន្ដ្រីក្រសួងការពារជាតិ៕
