(ប៉ាគីស្ថាន)៖ យោងតាមការចេញផ្សាយរបស់សារព័ត៌មាន AP នៅមុននេះបន្តិចបានឲ្យដឹងថា យ៉ាងហោចណាស់មនុស្ស ៤២នាក់ត្រូវបានស្លាប់ និងជាច្រើននាក់ទៀត បានរងរបួស នៅក្នុងហេតុការណ៍ផ្ទុះគ្រាប់បែកនៅ​​មន្ទីរពេទ្យមួយកន្លែងក្នុង​ទីក្រុង Quetta ប្រទេសប៉ាគីស្ថាន។

ទូរទស្សន៍ក្នុងស្រុក GeoTV បានរាយការណ៍មកថា គ្រាប់បែកបានផ្ទុះចេញពី​អគារសង្គ្រោះបន្ទាន់​របស់មន្ទីរពេទ្យ ហើយ​ភ្លាមៗនោះ ក៏មានឮសំឡេងគ្រាប់កាំភ្លើងផងដែរ។ ក្នុងចំណោមអ្នកស្លាប់ និងរបួសភាគច្រើនគឺជា​មេធាវី ដែល​ពួកគាត់បាន​មក​មន្ទីរពេទ្យ​ ដើម្បី​សួរសុខទុក្ខមិត្តរួមការងារ។

សម្រាប់ព័ត៌មានលម្អិតផ្សេងៗ នៅមិនទាន់ទទួលបាននោះទេ ដូច្នេះសូមរង់ចាំការផ្សាយបន្ត...