(កំពង់ធំ)៖ លោក ហាក់ ម៉ុងហួត អភិបាលស្រុកតាំងគោក នាថ្ងៃទី២៥ ខែសីហា ឆ្នាំ២០២៣ បានបើកការដ្ឋានសាងសង់ផ្លូវបេតុងប្រវែង៣៤៧ម៉ែត្រ ទទឹង៥ម៉ែត្រ ស្លាកសញ្ញា១ផ្ទាំង និងជួសជុលផ្លូវក្រាលគ្រួសក្រហមអស់ទឹកប្រាក់៣២៨,៩០០,០០០រៀល ថវិកាមូលនិធិឃុំឆ្នាំ២០២៣ ស្ថិតនៅឃុំជ្រលង ស្រុកតាំងគោក ខេត្តកំពង់ធំ។
លោកអភិបាលស្រុកបានលើកឡើងថា សមិទ្ធផលនេះជាប្រវត្តិសាស្រ្តសម្រាប់ទីនេះដែលយើងទទួលបាន ជាក់ស្តែងផ្លូវបេតុងមួយខ្សែរនេះដែលបានប្រើប្រាស់ថវិការមូលនិធិឃុំឆ្នាំ២០២៣ តាមរយៈការផ្តល់ជូនរបស់រាជរដ្ឋាភិបាលក្រោមការដឹកនាំរបស់សម្តេចតេជោ ហ៊ុន សែន តបតាមសំណូមពររបស់ប្រជាពលរដ្ឋហើយសមិទ្ធផលនេះមានគុណប្រយោជន៍ដល់ជីវភាពប្រចាំថ្ងៃរបស់ប្រជាពលរដ្ឋក្នុងការធ្វើដំណើរចេញចូល ឆ្លងកាត់ ដឹកទំនិញផលិតផល កសិផលផ្សេងៗទៅកាន់ទីផ្សារបានយ៉ាងងាយស្រួល។
លោកអភិបាលស្រុកបានសំណូមពរដល់ប្រជាពលរដ្ឋតាមបណ្តោយផ្លូវបន្ទាប់ពីការសាងសង់ហើយត្រូវធ្វើរបង ទោះបីជាថ្មឬរបងធ្វើពីឈេីក្តីត្រូវមានគម្លាតពីសាច់បេតុង ដែលប្រធានការិយាល័យរៀបចំដែនដី នគររូបនីយកម្ម សំណង់ និងភូមិបាល និងប្រធានការិយាល័យសេដ្ឋកិច្ច និងអភិវឌ្ឍន៍សហគមន៍ ជាមួយលោកមេឃុំសហការគ្នាកំណត់គម្លាតពីផ្លូវបេតុងមក ក្នុងគោលបំណងដេីម្បីឲ្យប្រជាពលរដ្ឋធ្វើររបងឲ្យរត់ត្រង់ជួរគម្លាត ដេីម្បីមានសោភ័ណភាពល្អ និងសម្រាប់អភិវឌ្ឍធ្វេីលូរំដោះទឹកនៅពេលក្រោយ។ ក្រៅពីនេះ ដេីម្បីសម្រួលសុវត្ថិភាពក្នុងការធ្វេីចរចរាចរណ ក្រោយពីធ្វើហេីយមានការដាំដេីមឈេីលម្អដេីមផ្កានៅតាមមុខផ្ទះឲ្យបានព្រមៗគ្នា ដេីម្បីការលេីកមុខមាត់ និងប្រែក្លាយជាភូមិស្អាតបៃតង។
លោកអភិបាលក៏បានផ្តាំផ្ញើឲ្យអាជ្ញាធរភូមិឃុំចុះជាប់ជាប្រចាំនៅពេលដែលក្រុមហ៊ុនចុះសាងសង់ ហើយក្រុមហ៊ុនដែលទទួលការសាងសង់ត្រូវធានាឱ្យបានតាមបទដ្ឋានបច្ចេកទេស ដើម្បីផ្លូវមានគុណភាព និងប្រើប្រាស់បានយូរអង្វែងនិង ត្រូវបញ្ចប់ការសាងសង់តាមផែនការកំណត់។
លោក ហាក់ ម៉ុងហួត ក៏បានថ្លែងអំណរគុណដល់ប្រជាពលរដ្ឋដែលបានទៅបោះឆ្នោត ព្រោះការបោះឆ្នោតជាមូលដ្ឋាននៃប្រជាធិបតេយ្យ និងជាកាតព្វកិច្ចជាពលរដ្ឋល្អម្នាក់ក្នុងសង្គមដែលបានជ្រើសរើសថ្នាក់ដឹកនាំប្រទេស ដើម្បីរក្សាសុខសន្តិភាព និងការអភិវឌ្ឍ៕
