(ភ្នំពេញ)៖ កាលពីថ្ងៃទី២៣ ខែសីហា ឆ្នាំ២០២៣កន្លងទៅនេះ ក្រសួងការបរទេស និងសហប្រតិបត្តិការអន្តរជាតិ បានរៀបចំពិធីជួបជុំមួយ ដើម្បីជម្រាបលារដ្ឋមន្ត្រីចាស់ គឺលោក ប្រាក់ សុខុន និងស្វាគមន៍រដ្ឋមន្ត្រីថ្មី គឺលោកឧបនាយករដ្ឋមន្ត្រី សុខ ចិន្តាសោភា។
នៅក្នុងពិធីជម្រាបលានោះ លោក ប្រាក់ សុខុន ឡើងថ្លែងសុន្ទរកថាកម្រាស់ ១០ទំព័រ ដែលជាសុន្ទរកថាសរសេរដោយផ្ទាល់ដៃរបស់លោក។ ក្នុងសុន្ទរកថានោះ លោក ប្រាក់ សុខុន បានគូសរំលេចអំពីអនុស្សាវរីយ៍ ទំនាក់ទំនងការងារ របៀបរបបការងារ ព្រមទាំងស្នាដៃជាច្រើនសម្រេចបានពេលលោកបំពេញការងារនៅក្រសួងការបរទេសរយៈពេល៧ឆ្នាំ។
សុន្ទរកថារបស់អតីតអ្នកសារព័ត៌មាន បានរំលេចទៅដោយអត្ថន័យ អត្ថរសយ៉ាងជ្រាលជ្រៅបំផុត។ ក្នុងសុន្ទរកថានោះ បានបង្ហាញឱ្យឃើញនូវសមិទ្ធផលជាច្រើនក្រោមការដឹកនាំរបស់របស់លោក ប្រាក់ សុខុន មានដូចជាការពង្រឹងការងារផ្នែកការទូតដល់មន្ត្រីរបស់កម្ពុជា ការធ្វើកំណែទម្រង់ផ្សេងៗនៅក្នុងក្រសួង និងការពង្រីកនយោបាយការទូតសេដ្ឋកិច្ចជាដើម។ ក្នុងសុន្ទរកថា ក៏បានរំលេចនយោបាយការទូតអន្តរជាតិមួយចំនួន ដើម្បីកម្ពុជាឈរក្នុងលំនឹងមួយរឹងមាំក្នុងចន្លោះនៃការប្រកួតប្រជែងភូមិសាស្ត្រនយោបាយដ៏ក្តៅគគុក។
សុន្ទរកថាក៏បានរំលេចពីជោគជ័យនៃការធ្វើជាម្ចាស់ផ្ទះរៀបចំកិច្ចប្រជុំកំពូលអាស៊ី-អឺរ៉ុបលើកទី១៣ និងការធ្វើជាប្រធានអាស៊ានរៀបចំកិច្ចប្រជុំកំពូល និងកិច្ចប្រជុំកំពូលពាក់ព័ន្ធជាដើម។ តាមរយៈកិច្ចប្រជុំកំពូលទាំងនេះ បានបង្ហាញឱ្យច្បាស់ពីសមត្ថភាពនយោបាយការបរទេសរបស់កម្ពុជា។
តាមរយៈសុន្ទរកថានេះ មើលទៅហាក់ដូចជាការបង្ហាញសមិទ្ធផលការងារ តែលោក ប្រាក់ សុខុន អ្នកការទូតដ៏ចំណានរបស់កម្ពុជា ក៏ហាក់បានរំលេចពីបទពិសោន៍ និងការបំភ្លឺផ្លូវមួយ សម្រាប់រដ្ឋមន្ត្រីការបរទេសថ្មីរបស់កម្ពុជាផងដែរ។
ខាងក្រោមនេះ គឺជាខ្លឹមសារទាំងស្រុងនៃសុន្ទរកថារបស់លោក ប្រាក់ សុខុន៖
