(ភ្នំពេញ)៖ សម្តេចតេជោ ហ៊ុន សែន ក្នុងឋានៈជាប្រធានគណបក្សប្រជាជនកម្ពុជា បានណែនាំដល់នាយករដ្ឋមន្ត្រី និងសមាជិករាជរដ្ឋាភិបាលអាណត្តិថ្មី បន្តយកចិត្តទុកដាក់ទៅលើប្រជាពលរដ្ឋ និងកម្មករ និយោជិត។
ក្នុងន័យនេះសម្តេចតេជោ ហ៊ុន សែន បានណែនាំដល់នាយករដ្ឋមន្ត្រី និងសមាជិករាជរដ្ឋាភិបាល ត្រូវបន្តសកម្មភាពចុះជួបផ្ទាល់ជាមួយប្រជាពលរដ្ឋតាមរយៈវេទិកានានា។ សម្តេចតេជោប្រធានគណបក្សប្រជាជនកម្ពុជា ក៏បានណែនាំឱ្យនាយករដ្ឋមន្ត្រីអាណត្តិថ្មី ចុះជួបកម្មករ និយោជិត ដែលសម្តេចបានសន្យាចុះជួប តែមិនទាន់បានជួបនោះ។
ការណែនាំរបស់សម្តេចតេជោ ហ៊ុន សែន បានធ្វើឡើងនៅក្នុងជំនួបសំណេះសំណាលជាមួយមន្ត្រីគណៈអចិន្ត្រៃយ៍គណបក្សប្រជាជនកម្ពុជា សមាជិករាជរដ្ឋាភិបាលអាណត្តិចាស់ និងសមាជិករាជរដ្ឋាភិបាលអាណត្តិថ្មី នៅល្ងាចថ្ងៃទី១០ ខែសីហា ឆ្នាំ២០២៣នេះ នៅវិមាន៧មករា ទីស្នាក់ការកណ្តាលគណបក្សប្រជាជនកម្ពុជា៕
