(ភ្នំពេញ)៖ នៅថ្ងៃទី០៣ ខែសីហា ឆ្នាំ២០១៦ កម្លាំងនគរបាលជាតិបានបង្ក្រាបបទល្មើសជួញដូរ រក្សាទុក និងប្រើប្រាស់គ្រឿងញៀនចំនួន៧ករណី ឃាត់មនុស្ស១៦នាក់ ក្នុងនោះមុខសញ្ញាជួញដូរ៩នាក់ និងមុខសញ្ញាប្រើប្រាស់៧នាក់ រឹបអូសបានមេតំហ្វេតាមីន (ice) ១២.៧៨ក្រាម, ១កញ្ចប់ធំ និង២កញ្ចប់តូច, មេតំហ្វេតាមីន (wy) ០.២០ក្រាម នេះបើតាមការចុះផ្សាយរបស់គេហទំព័រ អគ្គស្នងការនគរបាលជាតិ។
ទីតាំងដែលបង្ក្រាបបានរួមមានទី១. ភ្នំពេញ បង្ក្រាប២ករណី ឃាត់ខ្លួន៧នាក់ ដកហូតមេតំហ្វេតាមីន (ice) ១កញ្ចប់តូច, ទី២.កោះកុង បង្ក្រាប១ករណីឃាត់ខ្លួន២នាក់ ដកហូតមេតំហ្វេតាមីន (ice) ០.៦៨ក្រាម, ទី៣.ព្រះសីហនុ បង្ក្រាប១ករណីឃាត់ខ្លួន៤នាក់ ដកហូតមេតំហ្វេតាមីន (ice) ៦ក្រាម, ទី៤.ព្រៃវែង បង្ក្រាប១ករណី ឃាត់ខ្លួនម្នាក់ ដកហូតមេតំហ្វេតាមីន (ice) ១កញ្ចប់ធំ និង១កញ្ចប់តូច, ទី៥.កំពង់ស្ពឺ បង្ក្រាប១ករណី(ដីការ) ឃាត់ខ្លួនម្នាក់ និងទី៦. បាត់ដំបងបង្ក្រាប១ករណី ឃាត់ខ្លួនម្នាក់ ដកហូតមេតំហ្វេតាមីន (ice) ៦.១០ក្រាម, មេតំហ្វេតាមីន(wy) ០.២០ក្រាម៕
