(ត្បូងឃ្មុំ)៖ ក្រុមការងារគណបក្សចុះមូលដ្ឋានស្រុកអូររាំងឪ ខេត្តត្បូងឃ្មុំ ដឹកនាំដោយលោក អ៊ាង សុផល្លែត សមាជិកគណៈកម្មាធិការកណ្ដាល នឹងរៀបចំប្រគំតន្ត្រីខ្នាតយក្ស នៅថ្ងៃទី៥ ខែសីហា ឆ្នាំ២០២៣ ខាងមុខនេះ ក្នុងវិទ្យាល័យ ហ៊ុន សែន អូររាំងឪ ដើម្បីអបអរសាទរ និងថ្លែងអំណរគុណលរដ្ឋដែលបានទៅឆ្នោតជ្រើសតាំងតំណាងរាស្ត្រនីតិកាលទី៧ ដើម្បីបំពេញកាតព្វកិច្ច សិទ្ធិសេរីភាព ក្នុងរបបប្រជាធិបតេយ្យ ពេញលេញនៅកម្ពុជា។
ការប្រគំតន្ត្រីខ្នាតយក្សនេះមានការអញ្ជើញចូលរួមពីណាក់ក្រុមតន្ត្រី មាស សុខសោភា, ក្រុមកំប្លែង នាយគ្រឿន, ក្រុមចម្រៀង ហ៊ីបហប, កញ្ញា រ៉ាប់ប៊ី និង ក្រុមរាំ, អ្នកនាង ខាត់ សួស្តី, លោក ប៊ឺត សំរេច។
ដូច្នេះ សូមពុកម៉ែពូមីងយាយតាបងប្អូនកូនក្មួយ សិស្សានុសិស្ស នៅស្រុកអូររាំងឪទាំងអស់ កុំភ្លេចចូលរួមរាំកម្សាន្ត ជាមួយការប្រគំតន្ត្រី នៅទីតាំង វិទ្យាល័យហ៊ុនសែន អូររាំងឪ ដោយសេរីចាប់ផ្តើមពីម៉ោង១៦ល្ងាចរហូតដល់ម៉ោង២១យប់ ថ្ងៃសៅរ៍ ៤រោច ខែទុតិយាសាឍ ឆ្នាំថោះបញ្ចស័ក ព.ស២៥៦៧ ត្រូវនឹងថ្ងៃទី៥ ខែសីហា ឆ្នាំ២០២៣ កុំអាក់ខានឡើយ៕
