(កំពង់ចាម)៖ ក្រុមការងារលោក ហ៊ុន ម៉ានិត ដឹកនាំដោយលោក សុក ផេង រដ្ឋលេខាធិការទីស្ដីការគណៈរដ្ឋមន្រ្តី ប្រធានក្រុមការងាររាជរដ្ឋាភិបាលចុះជួយឃុំល្វាលើ ស្រុកចំការលើ ខេត្តកំពង់ចាម និងលោកស្រី នៅព្រឹកថ្ងៃទី៣១ ខែកក្កដា ឆ្នាំ២០២៣នេះ រួមជាមួយលោក ប៊ី វីរៈសុគន្ធ លោកកេត កែវអមតៈ លោកណុប វណ្ណៈ និងថ្នាក់ដឹកនាំមូលដ្ឋានពុទ្ធបរិស័ទចំណុះជើងវត្តចតុពោធិ៍វណ្ណារាម ហៅវត្តល្វាលើ បាននាំយកនូវទៀនចំណាំព្រះវស្ស គ្រឿងឧបភោគបរិភោគ និងបច្ច័យមកប្រគេនព្រះសង្ឃ។
ទៀនព្រះវស្សា ទេយ្យទាន និបច្ច័យដែលនាំមកប្រគេនព្រះសង្ឃរួមមាន៖ ទៀន ១គូ ទឹកក្រូច៧កេស ទឹកផ្លាឈើ២កេស មីម៉ាម៉ា៥កេស ទឹកសុទ្ធវីតាល់២កេស ចានស្រាក់០១ឡូតិ៍ ត្រីខកំប៉ុង៦ឡូតិ៍ផ្លែឈើ១០គីឡូ ទឹកសុទ្ធ១០ឡូតិ៍ ទឹកត្រី១០យួរ ទឹកស៊ីអុវ១០យួរ អង្ករផ្កាខ្ញីលេខ១ចំនួន១០០គីឡូក្រាម អង្ករផ្កាម្លិះ៥០គីឡូក្រាម។ សរុបរួម ៣, ៤៤២, ០០០រៀល ដែលជាថវិការបស់មូលនិធិលោក ហ៊ុន ម៉ានិត ចំនួន ១,០០០,០០០រៀល។
បន្ទាប់ពីបានធ្វេីកិច្ចវេរព្រគេនព្រះសង្ឃរួចរាល់លោក សុក ផេង ក៏បានសំណេះសំណាល និងថ្លែងអំណរគុណដល់ប្រជាពលរដ្ឋក្នុងឃុំល្វាលេី និងក្រុមការងារទាំងអស់ដែលបានអញ្ជេីញទៅបោះឆ្នោតយ៉ាងច្រេីនកុះករជាង ៨៦% ដែលជាទូរលេខខ្ពស់បំផុត ហេីយលោកបានចូលរួមអបអរសប្បាយរីករាយជាមួយនឹងប្រជាពលរដ្ឋ ដោយទទួលបាននូវលទ្ធផលតាមបំណងប្រាថ្នា គឺគណបក្សប្រជាជនកម្ពុជាឈ្នះភ្លូកទឹកភ្លូកដី បន្តបាននូវសុខសន្តិភាព និងការអភិវឌ្ឍ៕
