(ភ្នំពេញ)៖ គណបក្សខ្មែរតែមួយ បានប្រកាសគាំទ្រទាំងស្រុងចំពោះ លោកបណ្ឌិត ហ៊ុន ម៉ាណែត នឹងធ្វើជានាយករដ្ឋមន្ត្រីថ្មី របស់កម្ពុជា នៅក្នុងនីតិកាលទី៧ នៃរដ្ឋសភា ឆ្នាំ២០២៣- ២០២៨ ដើម្បីបន្តដឹកនាំប្រទេសកម្ពុជា ឱ្យកាន់តែមានការអភិវឌ្ឍរីកចម្រើនរុងរឿង និងធ្វើឱ្យប្រជាពលរដ្ឋខ្មែរ មានជីវភាពធូរធារ ប្រកបដោយភាតរភាពរវាងខ្មែរ និងខ្មែរ ក្នុងសង្គមសន្តិភាពនាសម័យសម្តេចតេជោ។
គណបក្សខ្មែរតែមួយ បានកោតសរសើរ និងការដឹងគុណដល់សម្ដេចតេជោ ហ៊ុន សែន ជានាយករដ្ឋមន្ត្រីកម្រគំរូម្នាក់ក្នុងប្រវត្តិសាស្ត្រខ្មែរដែលសម្ដេចតេជោ បានយកជីវិតធ្វើជាដើមទុនដើម្បីប្ដូរយកសន្តិភាពជូនជាតិ និងប្រជាជនកម្ពុជា។ ការប្រកាសលះបង់ តួនាទី និងតំណែងជានាយករដ្ឋមន្ត្រីរបស់ សម្តេចតេជោ កាលពីថ្ងៃទី២៦ ខែកក្កដា ឆ្នាំ២០២៣ គឺបានបង្ហាញពីវីរៈភាពដ៏កម្រគំរូមួយសម្រាប់សង្គម ជាតិ និងជាការផ្តល់ឱកាសដល់កូនខ្មែរអ្នកជំនាន់ក្រោយៗ។
គណបក្សខ្មែរតែមួយ ជឿជាក់ថា លោកបណ្ឌិត ហ៊ុន ម៉ាណែត នឹងក្លាយជានាយករដ្ឋមន្តី ថ្មីនៃព្រះរាជាណាចក្រកម្ពុជាដ៏ខ្លីខាងមុខនេះ មានឧត្តមគតិថ្មី របៀបដឹកនាំថ្មី ដើម្បីភាពជាម្ចាស់លើមាតុភូមិ កម្ពុជា និងការបង្កើតពុម្ពលទ្ធិប្រជាធិបតេយ្យបែបខ្មែរនិយមមួយ ដើម្បីលុបបំបាត់ចោលនូវវប្បធម៌លទ្ធិប្រជាធិ បតេយ្យបរទេសជ្រុលនិយមនៅពីក្រោយខ្នងក្រុមគណបក្សជ្រុលនិយមនៅកម្ពុជា។
គណបក្សខ្មែរតែមួយ បន្តចូលរួមចំណែកថែរក្សាការពារសុខសន្តិភាព ស្ថិរភាពនយោបាយ និង ការអភិវឌ្ឍប្រទេសកម្ពុជា ស្របតាមគោលការណ៍លទ្ធិប្រជាធិបតេយ្យសេរី ពហុបក្ស និងស្របតាមរដ្ឋធម្មនុញ្ញ ឆ្នាំ១៩៩៣ នៃព្រះរាជាណាចក្រកម្ពុជា៕
