(ភ្នំពេញ)៖ ពិតជាគ្រោះថ្នាក់ណាស់ នៅពេលដែលរថយន្តកុងតឺន័រដ៏ធំមួយគ្រឿង បានប្រឹងបើកឡើងទួល ចាប់ពីរង្វង់មូលផ្សារដើមថ្កូវ ទៅផ្លូវលេខ២៧១ សង្កាត់ផ្សារដើមថ្កូវ ខណ្ឌចំការមន ស្រាប់តែឡើងមិនរួច ក៏រអិលថយក្រោយទៅកិន រថយន្តបាឡែនមួយគ្រឿង នៅពីក្រោយបណ្តាលឲ្យរងការខូចខាតយ៉ាងខ្លាំង។
ហេតុការណ៍ដ៏គ្រោះថ្នាក់នេះ បានកើតឡើង នៅវេលាម៉ោងប្រមាណ១១ព្រឹកថ្ងៃទី១ ខែសីហា ឆ្នាំ២០១៦នេះ ប៉ុន្តែមិនបណ្តាលឲ្យនរណាម្នាក់រងគ្រោះថ្នាក់នោះទេ។
ក្រោយកើតហេតុ កម្លាំងសមត្ថកិច្ច បានចុះទៅជួយអន្តរាគមន៍ភ្លាមៗផងដែរ ដើម្បីដោះស្រាយជូនម្ចាស់រថយន្តរងគ្រោះ។
