(កំពង់ឆ្នាំង)៖ អគ្គមហាឧបាសិកាពុទ្ធសាសនូបត្ថម្ភក៏ ទិត មាលា ញាណ ឡេង រួមទាំងក្រុមគ្រួសារ នាព្រឹកថ្ងៃទី២៤ ខែកក្កដា ឆ្នាំ២០២៣នេះ បានមានសទ្ធាជ្រះថ្លា នាំយកនូវ គ្រឿងបរិក្ខារផ្សេងៗ រួមនឹងបច្ច័យកសាងមួយចំនួន ប្រគេនតាមវត្តចំនួន៦ ក្នុងស្រុកកំពង់ត្រឡាច ខេត្តកំពង់ឆ្នាំង ដែលពិធីនេះបានធ្វេីនៅវត្តចំបុី ឃុំច្រេស ស្រុកកំពង់ត្រឡាច ខេត្តកំពង់ឆ្នាំង។
នាឱកាសនោះអគ្គមហាឧបាសិកាពុទ្ធសាសនូបត្ថម្ភក៏ ទិត មាលា ក៏បានសូមឧទ្ទិសមហាកុសលផលបុណ្យនេះ ជូនដល់បុព្វការីជនទាំង៧សណ្តាន ជាពិសេសអគ្គមហាឧបាសក ពុទ្ធសាសនូបត្ថម្ភក៏ ញាណ ឡេង សូមទទួលយក និងបានសោយសុខក្នុងសុគិភពកុំបី ឃ្លៀងឃ្លៀតឡើយ។
សូមបញ្ជាក់ថា វត្តចំនួន៦ ដែរទទួលបាននូវគ្រឿងបរិក្ខាររួមទាំងបច្ច័យកសាងរួមមាន៖ វត្តចំបុី វត្តចំប៉ា វត្តកំពង់ត្រឡាចលើ វតុ្តក្រុង វត្ត ចៅហ្វាជួន វត្តប្របផ្ជះ,(សិរីតេជះ)។ ដោយក្នុងមួយវត្តទទួលបាន អង្ករ មី ត្រីខ ភេសជ្ជៈ ទឹកសុទ្ធ និងបរិក្ខារផ្សេងៗ រួមនឹងបច្ច័យបួនប្រគេន ១២មុឺនរៀល បច្ច័យកសាង ៦០មុឺនរៀល។ ជូនលោកយាយលោកតា ជាង១០នាក់ ក្នុងម្នាក់ៗទទួលបានថវិកា ២មុឺនរៀល៕
