(ភ្នំពេញ)៖ នៅថ្ងៃអាទិត្យ ទី២៣ ខែកក្កដា ឆ្នាំ២០២៣នេះ គឺជាថ្ងៃដែលប្រជាពលរដ្ឋត្រូវទៅបោះឆ្នោតជ្រើសតាំងតំណាងរាស្ត្រ នីតិកាលទី៧ ឆ្នាំ២០២៣ ក្នុងនោះគេសង្កេតឃើញ តាមរយៈបណ្តាញសង្គម គឺមានបងប្អូនខ្មែរជាច្រើន ក្នុងនោះមានទាំងសិល្បករ-សិល្បការិនីល្បីៗផងនោះ បានចែករំលែករូបភាពរបស់ខ្លួនជាបន្តបន្ទាប់ និងចូលរួមបោះឆ្នោតរួចរាល់ អមដោយទឹកមុខញញឹមរីករាយ ព្រោះបានបំពេញកាតព្វកិច្ចដ៏សំខាន់មួយរបស់ខ្លួន ក្នុងនាមជាប្រជាពលរដ្ឋខ្មែរ។
សូមជម្រាបថា នៅថ្ងៃអាទិត្យ ទី២៣ ខែកក្កដា ឆ្នាំ២០២៣នេះ គឺជាថ្ងៃដែលប្រជាពលរដ្ឋត្រូវទៅបោះឆ្នោតជ្រើសតាំងតំណាងរាស្ត្រ នីតិកាលទី៧ ឆ្នាំ២០២៣។ ការិយាល័យបោះឆ្នោត ត្រូវកំណត់បើកទ្វារនៅម៉ោង៧៖០០នាទីព្រឹក ហើយបិទបញ្ចប់នៅម៉ោង៣៖០០នាទីរសៀល។ ការបោះឆ្នោតជ្រើសតាំងអ្នកតំណាងរាស្ត្រអាណត្តិទី៧នេះ មានការិយាល័យ ២៣,៧៨៩ការិយាល័យ។
ពលរដ្ឋដែលមានសិទ្ធិទៅបោះឆ្នោតមានចំនួន ៩,៧១០,៦៥៥នាក់។ ការបោះឆ្នោតអាណត្តិទី៧ មានគណបក្សនយោបាយ ចូលរួមប្រកួតប្រជែងចំនួន១៨៕
