(ភ្នំពេញ)៖ គណៈកម្មការជាតិរៀបចំការបោះឆ្នោត (គ.ជ.ប) នៅថ្ងៃទី២១ ខែកក្កដា ឆ្នាំ២០២៣ បានផ្ដល់ការអន្តរាគមន៍ដោយប្រើឧទ្ធម្ភាគចក្រ ដឹកជញ្ជូនសម្ភារៈបរិក្ខារ និងឯកសារ បម្រើឲ្យការបោះឆ្នោត ពីគណៈកម្មការរៀបចំការបោះឆ្នោតឃុំស្រែជិះ ឆ្ពោះទៅការិយាល័យបោះឆ្នោត លេខ ០៣៨៩ ដែលស្ថិតនៅសាលាបឋមសិក្សាកូនវ៉ា ក្នុងភូមិកូនវ៉ា ឃុំស្រែជិះ ស្រុកអូរគ្រៀងសែនជ័យ ខេត្តក្រចេះ។
សូមបញ្ជាក់ថា ការិយាល័យបោះឆ្នោត លេខ ០៣៨៩ ដែលស្ថិតនៅសាលាបឋមសិក្សាកូនវ៉ា ជាតំបន់ដាច់ស្រយាល ហើយរដូវវស្សាផ្លូវពិបាកធ្វើដំណើរ និងត្រូវឆ្លងកាត់អូរតូចធំចំនួន ៨ កន្លែង ក្នុងនោះអូរធំៗចំនួន ៥កន្លែង៕
