(កណ្តាល)៖ នៅព្រឹកថ្ងៃទី២១ ខែកក្កដា ឆ្នាំ២០២៣ លោក សុខ សូកេន អនុប្រធានក្រុមការងារគណបក្សប្រជាជនកម្ពុជាចុះមូលដ្ឋានស្រុកស្អាង និងជាប្រធានក្រុមការងារគណបក្សចុះមូលដ្ឋានឃុំស្អាងភ្នំ បានអញ្ជើញដឹកនាំសមាជិកសមាជិកាគណបក្សប្រជាជនកម្ពុជាប្រចាំឃុំស្អាងភ្នំ ចូលរួមក្នុងការដង្ហែរក្បួនបិទបញ្ចប់យុទ្ធនាការឃោសនាបោះឆ្នោតប្រចាំស្រុកស្អាង ដែលបានចេញដំណើរពីទីតាំងវត្ដព្រែកអំបិល ក្រោមអធិបតីភាពរបស់លោក ទី សុគន្ធ អនុប្រធានក្រុមការងារគណបក្សចុះមូលដ្ឋានស្រុកស្អាង។

ពិធីនេះមានការចូលរួមប្រកបដោយសណ្តាប់ធ្នាប់របៀបរៀបរយ បរិយាកាសសប្បាយរីករាយ និងសំឡេងគាំទ្រកងរំពងចេញពីក្រអៅបេះដូងពីសំណាក់សមាជិកសមាជិកាគណបក្សប្រជាជានកម្ពុជានៃឃុំទាំង៦ ក្នុងស្រុកស្អាង សរុបចំនួនប្រមាណ ៣០០០នាក់។

បន្ទាប់ពីការដង្ហែរក្បួនរួមគ្នា ប្រធានក្រុមការងារឃុំស្អាងភ្នំបានបន្តដឹកនាំក្បួនហែរកាត់ភូមិទាំង៩ក្នុងឃុំស្អាងភ្នំ ដោយមានសមាជិកប្រមាណជាង ៥០០នាក់ ដែលចូលរួមជិះម៉ូតូ និងរថយន្តតូចធំតាក់តែងលម្អដោយបដា ទង់ជាតិ ទង់បក្ស និងស្លាកសញ្ញាគណបក្ស ដើម្បីបង្ហាញពីការស្នេហាជាតិ និងការគាំទ្រប្រកបដោយភក្តីភាពចំពោះគណបក្សប្រជាជានកម្ពុជា។

ក្នុងពិធីសំណេះសំណាល និងពិសារអាហារសាមគ្គីជាមួយមហាគ្រួសារគណបក្សប្រជាជនឃុំស្អាងភ្នំ ក្រោយពេលបញ្ចប់ការដង្ហែរក្បួន លោក សុខ សូកេន បានថ្លែងអំណរគុណដល់ប្រជាពលរដ្ឋ សម្រាប់ការគាំទ្រដ៏ស្មោះស្ម័គ្រនិងឥតងាករេចំពោះគណបក្សប្រជាជន ដែលបានដឹកនាំរក្សាសុខសន្តិភាព និងការអភិវឌ្ឍដ៏ត្រចេះត្រចង់លើគ្រប់វិស័យជូនសង្គមជាតិកម្ពុជា។

ជាមួយគ្នានេះ លោកក៏បានលើកឡើងអំពីភាពចាំបាច់របស់សមាជិកគណបក្សប្រជាជន ក្នុងការបំពេញកាតព្វកិច្ចរបស់ខ្លួនជាពលរដ្ឋល្អ ដោយចូលរួមបោះឆ្នោតឱ្យបានគ្រប់ៗគ្នា និងបោះឆ្នោតជូនគណបក្សប្រជាជនកម្ពុជាដែលមានលេខរៀងទី១៨ នៅថ្ងៃទី២៣ ខែកក្កដា ឆ្នាំ២០២៣ ខាងមុខនេះ៕

http://image.freshnewsasia.com/2021/id-022/fn-2023-07-21-21-47-40-0.JPG http://image.freshnewsasia.com/2021/id-022/fn-2023-07-21-21-47-40-1.JPG http://image.freshnewsasia.com/2021/id-022/fn-2023-07-21-21-47-42-2.JPG http://image.freshnewsasia.com/2021/id-022/fn-2023-07-21-21-47-44-3.JPG http://image.freshnewsasia.com/2021/id-022/fn-2023-07-21-21-47-46-4.JPG

http://image.freshnewsasia.com/2021/id-022/fn-2023-07-21-21-47-50-6.JPG http://image.freshnewsasia.com/2021/id-022/fn-2023-07-21-21-47-52-7.JPG

http://image.freshnewsasia.com/2021/id-022/fn-2023-07-21-21-47-55-10.JPG http://image.freshnewsasia.com/2021/id-022/fn-2023-07-21-21-47-58-11.JPG http://image.freshnewsasia.com/2021/id-022/fn-2023-07-21-21-48-00-12.JPG http://image.freshnewsasia.com/2021/id-022/fn-2023-07-21-21-48-03-13.JPG http://image.freshnewsasia.com/2021/id-022/fn-2023-07-21-21-48-05-14.JPG http://image.freshnewsasia.com/2021/id-022/fn-2023-07-21-21-48-08-15.JPG