(ស្វាយរៀង)៖ នាព្រឹកថ្ងៃទី២១ ខែកក្កដា ឆ្នាំ២០២៣ ជាថ្ងៃចុងក្រោយនៃយុទ្ធនាការឃោសនាបោះឆ្នោត លោក លីវ សុភក្ត្រា រដ្ឋលេខាធិការ ក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច និងជាប្រធានក្រុមការងារគណបក្សចុះជួយឃុំស្វាយអង្គ បានអញ្ជើញជាអធិបតីក្នុងពិធីបិទយុទ្ធនាការឃោសនាបោះឆ្នោត ជ្រើសតាំងតំណាងរាស្រ្ត នីតិកាលទី៧ នៃរដ្ឋសភាឆ្នាំ២០២៣ នៅក្នុងឃុំស្វាយអង្គ ស្រុកស្វាយជ្រំ ខេត្តស្វាយរៀង ។
នៅក្នុងពិធីបិទយុទ្ធនាការឃោសនាបោះឆ្នោត នាឱកាសនោះ មានការអញ្ជើញចូលរួមអមដំណើរដោយលោក លោកស្រី អនុប្រធានក្រុមការងារ ព្រមទាំងថ្នាក់ដឹកនាំគណបក្សឃុំ និងសមាជិក សមាជិកា ប្រមាណជាង ១,០០០នាក់។
សូមជម្រាបជូនថា យុទ្ធនាការឃោសនាបោះឆ្នោតជ្រើសតាំងតំណាងរាស្រ្ត នីតិកាលទី៧ ចាប់ផ្តើមធ្វើឡើងរយៈពេល២១ថ្ងៃ ពីថ្ងៃទី១ រហូតដល់ថ្ងៃទី២១កក្កដានេះ បានប្រារព្ធទៅដោយរលូន និងគ្មានអំពើហិង្សា។ ការបោះឆ្នោតជ្រើសតាំងតំណាងរាស្រ្ត នីតិកាលទី៧ នឹងប្រារព្វធ្វើឡើង នៅថ្ងៃអាទិត្យ ទី២៣ ខែកក្កដា ឆ្នាំ២០២៣ ខាងមុខនេះ ដោយមានគណបក្សនយោបាយចំនួន១៨ចូលរួម ក្នុងនោះគណបក្សប្រជាជនកម្ពុជា ស្ថិតនៅលេខរៀង១៨ ក្នុងសន្លឹកឆ្នោត៕
