(ភ្នំពេញ)៖ លោក សុក ផេង ប្រធានក្រុមការងារគណបក្សចុះជួយមូលដ្ឋានឃុំល្វាលើ ស្រុកចំការលើ ខេត្តកំពង់ចាម នាព្រឹកថ្ងៃទី២១ ខែកក្កដា ឆ្នាំ២០២៣ បានដឹកនាំក្រុមការងារចូលរួមដង្ហែក្បួនបិទយុទ្ធនាការឃោសនាបោះឆ្នោត ជ្រើសតាំងតំណាងរាស្រ្ត នីតិកាលទី៧ ឆ្នាំ២០២៣។
ពិធីនេះបានធ្វើឡើងក្រោមអធិបតីភាពលោក ហ៊ុន ម៉ានិត ប្រធានក្រុមការងារគណបក្សចុះជួយស្រុកស្ទឹងត្រង់ និងស្រុកចំការលើ នៅស្នាក់ការគណបក្សប្រជាជនកម្ពុជា ស្រុកចំការលេី។
សមាសភាពអ្នកចូលរួមមិទ្ទិញមកពីឃុំល្វាលេី មានចំនួនសរុប ៧៦២នាក់ ស្រី២៩៤ រថយន្ត ៣៨គ្រឿង គោយន្ត ១០គ្រឿង ម៉ូតូចំនួន១៩៤គ្រឿង ម៉ូតូកង់បី០២គ្រឿង ដាក់ឧឃោសនសព្ទ។
ក្រោយពីលោក ហ៊ុន ម៉ានិត ប្រកាសបិទបញ្ចប់យុទ្ធនាការឃោសនាបោះឆ្នោតរួចមក ក្បួនដង្ហែយុទ្ធនាការបិទបញ្ចប់បានបំបែកគ្នាទៅតាមឃុំនីមួយៗ ដេីម្បីឃោសនាបញ្ចប់ដោយមានការទទួលស្វាគមន៍ពីសំណាក់សមាជិក សមាជិកាគណបក្ស សិស្សានុសិស្ស លោកគ្រូ អ្នកគ្រូ និងប្រជាពលរដ្ឋយ៉ាងច្រេីនកុះករ។
លោក កេត កែវអមតៈ សមាជិកក្រុមការងារគណបក្សចុះជួយឃុំល្វាលេី បានមានប្រសាសន៍ថា ក្រោយពីក្បួនដង្ហែយុទ្ធនាការក្នុងភូមិសាស្ត្រឃុំរួចមក ក្រុមការងារ និងប្រជាពលរដ្ឋនៅតាមដងផ្លូវក៏បានរង់ចាំស្វាគមន៍ក្បួនដង្ហែឆ្លងកាត់របស់លោក ហ៊ុន ម៉ានិត ដោយមានការស្រែកជ័យឃោសស្វាគមន៍ក្នុងបរិយាកាសរំភេីបរីករាយក្រៃលែង៕
