(កណ្តាល)៖ លោកបណ្ឌិត កៅ ថាច អនុប្រធានក្រុមការងារគណបក្សចុះជួយមូលដ្ឋានស្រុក និងជាប្រធានទទួលបន្ទុកចលនាយុវជនគណបក្សប្រជាជនកម្ពុជាស្រុកខ្សាច់កណ្ដាល ខេត្តកណ្តាល និង លោក ចេង ឌីណា ប្រធានគណបក្សស្រុកខ្សាច់កណ្តាល នៅព្រឹកថ្ងៃទី១៨ ខែកក្កដា ឆ្នាំ២០២៣ បានដឹកនាំក្រុមការងារយុវជន និងសហការី ចុះផ្សព្វផ្សាយគោលនយោបាយ ចែកខិត្តបណ្ណ បង្រៀនគូសសន្លឹកឆ្នោត និងសំណេះសំណាល សាកសួរសុខទុក្ខ ជាមួយប្រជាពលរដ្ឋ អាជីវករ និង តាមខ្នងផ្ទះ ក្នុងផ្សារស្វាយរមៀត ស្រុកខ្សាច់កណ្តាល។
លោកបណ្ឌិត កៅ ថាច ក៏បានអំពាវនាវដល់ប្រជាពលរដ្ឋទាំងអស់ សូមអញ្ជើញទៅបោះឆ្នោតឲ្យបានគ្រប់ៗគ្នា ជាពិសេសសូមបោះឆ្នោតជូនគណបក្សប្រជាជនកម្ពុជា ដែលមានរូបសញ្ញា ទេវតាបាចផ្កា ស្ថិតនៅលេខរៀងទី១៨ លើសន្លឹកឆ្នោត ដើម្បីសន្តិភាព និងការអភិវឌ្ឍន៍ និងដើម្បីបន្តគាំទ្រសម្តេចតេជោ ហ៊ុន សែន ធ្វើជានាយករដ្ឋមន្ត្រី សម្រាប់អាណត្តិទី៧ និងគាំទ្រលោកបណ្ឌិត ហ៊ុន ម៉ាណែត ជាបេក្ខភាពនាយករដ្ឋមន្ត្រី នាពេលអនាគត៕
