(ភ្នំពេញ)៖ ការិយាល័យមេធាវី ពិស្សុត & សហការី បានរៀបចំនូវពិធីសម្ពោធទីតាំងការិយាល័យថ្មី ដែលជាទីតាំងក្រោមកម្មសិទ្ធិផ្ទាល់នៃការិយាល័យមេធាវី ពិស្សុត & សហការី មានទីតាំងស្ថិតនៅជាន់ទី២២ អគារការិយាល័យ TIME SQUARE 3 ផ្លូវលេខ៣៣៥ ប្រសព្វផ្លូវលេខ៣១៧ សង្កាត់បឹងកក់១ ខណ្ឌទួលគោក រាជធានីភ្នំពេញ។

កម្មវិធី បានប្រព្រឹត្តទៅនៅថ្ងៃទី៧ ខែកក្កដា ឆ្នាំ២០២៣ នាពេលថ្មីៗនេះ ដោយមានការរៀបចំពិធីសូត្រមន្តលើករាសីតាមប្រពៃប្រណីខ្មែរ និងមានរៀបចំពិធីស្រស់ស្រូបអាហារសាមគ្គីពេលល្ងាច ប្រកបដោយភាពសប្បាយរីករាយ និងស្និតស្នាល។ ឆ្លៀតក្នុងឱកាសដ៏ពិសេសនេះ ការិយាល័យមេធាវីពិស្សុត & សហការី សូមគោរពថ្លែងអំណរគុណ ដល់ថ្នាក់ដឹកនាំ និងភ្ញៀវកិត្តិយសទាំងអស់ ដែលបានអញ្ជើញមកចូលរួម ក្នុងកម្មវិធីសម្ពោធទីតាំងការិយាល័យថ្មីនេះ៕