(ភ្នំពេញ)៖ ក្រុមហ៊ុន TAI KUN Group ដែលមានលោកឧកញ៉ា សុខ លីម ជាប្រធាន និងក្រុមហ៊ុន E-Construction ដែលមានលោកឧកញ៉ា កែវ សេង ជាប្រធាន រួមជាមួយនិង លោក សុត សាធ ចៅសង្កាត់ចោមចៅ និងមន្ត្រីក្រោមឱវាទ នៅរសៀលថ្ងៃទី២៧ ខែកក្កដា ឆ្នាំ២០១៦នេះ បានអញ្ជើញចុះទៅសិក្សាពិនិត្យកំណាត់ផ្លូវមួយ២៣៧ ស្ថិតនៅកំណាត់ផ្លូវ២៣៧ ភូមិត្រពាំងថ្លឹង សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ។

លោក សុត សាធ ចៅសង្កាត់ចោមចៅបានឲ្យដឹងថាកំណាត់ផ្លូវ២៣៧ តភ្ជាប់ពីកំណាត់ផ្លូវវេងស្រេង ទៅ កាន់វត្តអង់តាមិញ មានចំងាយប្រមាណជាង២០០ម៉ែត្ររងការខូចខាត និងមានលក្ខៈតូចចង្អៀតពិបាក ក្នុងការធ្វើដំណើរ ព្រោះតែងតែមានការកក់ស្ទះជាប្រចាំ។

លោកបន្តទៀតថា នៅត្រង់ច្រក់ចូលនៅចំណុចផ្លូវ វេងស្រេង និង ២៣៧មានលក្ខណៈក ដប ដោយសារការ៉ាស់សាំងតេឡាមួយកន្លែង បានសង់រំលោភយក ចំណីផ្លូវ ដូច្នេះធ្វើឲ្យច្រកចូលកាន់តែ តូចចង្អៀត ទៀតសោតរថយន្តដឹកធនធំស៊ីម៉ង់ត៍របស់លោកឧកញ៉ា ឡុង ម៉េង ចរាចរណ៍លើដងផ្លូវនោះផងនោះការកកស្ទះកាន់តែខ្លាំងឡើង លោក ចៅសង្កាត់ចោមចៅ បាន អំពាវនាវរកសប្បុរសជនឲ្យជួយស្រោចស្រង់ កំណាត់ផ្លូវខ្សែនេះ។

ដោយមើលឃើញពីទុក្ខលំបាល និងតម្រូវការចាំបាច់របស់ប្រជាពលរដ្ឋ លោកឧកញ៉ា សុខ លីម TAI KUN Group ដែលជាក្រុមហ៊ុន មួយដែលមានសេវាកម្មផ្នែក សំណង់ ហ្គារាស់សាំង ការដឹកជញ្ជូន និង Mart បានស្ម័គ្រចិត្តចំណាយ ថវិកាផ្ទាល់ខ្លួនចំនួន ៥ម៉ឺនដុល្លារអាមេរិក។

បើតាមការបញ្ជាក់របស់ លោកឧកញ៉ា សុខ លីមបានបញ្ជាក់ ប្រាប់ខាងសារព័ត៌មានថា កំណាត់ផ្លូវនេះ និងទទួលរាបរងសាង សង់ដោយ ក្រុមហ៊ុន E-Construction ដែលជាក្រុមហ៊ុនមានជំនាញ ការច្បាស់លាស់ និងប្រកបដោយ បច្ចេកវិទ្យា និងគុណភាពខ្ពស់។

ប្រភពពីប្រជាពលរដ្ឋមួយចំនួន ដែលរស់នៅតាមអមសងខាងផ្លូវសំដែងក្តីសារទរ ចំពោះការពង្រីក និងធ្វើថ្មី ឡើងវិញ ពួកគាត់សំណូមពរដល់អាជ្ញាធរពាក់ព័ន្ធ ជួយពន្លឿនការសាងសង់ អោយកាន់តែឆាប់កាន់តែប្រសើរ៕