(ភ្នំពេញ)៖ ក្រុមការងារសាខាគណបក្ស ភ.ព ១២ ចំណុះគណបក្សរាជធានីភ្នំពេញ បានសហការជាមួយក្រុមការងារគណៈកម្មាធិការគណបក្សខណ្ឌព្រែកព្នៅ និងគណៈកម្មាធិការគណបក្សសង្កាត់គោករការ ព្រមទាំងសាខាបក្សភូមិ បានចុះពន្យល់ប្រជាពលរដ្ឋក្នុងការគូសសន្លឹកឆ្នោតឱ្យបានត្រឹមត្រូវ ពិសេសផ្សព្វផ្សាយអំពីគោលយោបាយគណបក្សប្រជាជនកម្ពុជា ក្រោមការដឹកនាំដ៏ត្រឹមត្រូវឈ្លាសវៃប្រកបដោយគតិបណ្ឌិតរបស់សម្តេចតេជោ ហ៊ុន សែន ប្រធានគណបក្ស ក្នុងភូមិកប់ស្រូវធំ សង្កាត់គោករការ ខណ្ឌព្រែកភ្នៅ រាជធានីភ្នំពេញ។
យុទ្ធនាការចុះបង្រៀនប្រជាពលរដ្ឋ នៅតាមមូលដ្ឋានឱ្យគូសសន្លឹកឆ្នោតឱ្យបានត្រឹមត្រូវជូនគណបក្សប្រជាជនកម្ពុជា ដែលមានលំដាប់លេខរៀងទី១៨ នៅចុងសន្លឹកឆ្នោត និងការផ្សព្វផ្សាយពីគោលនយោបាយគណបក្ស បានធ្វើឡើងជាប្រចាំក្រោមការចង្អុលបង្ហាញពីសំណាក់លោក ឃួង ស្រេង ប្រធានគណៈកម្មាធិការគណបក្សប្រជាជនកម្ពុជារាជធានីភ្នំពេញ៕
