(ភ្នំពេញ)៖ នៅព្រឹកថ្ងៃទី០២ ខែកក្កដា ឆ្នាំ២០២៣ លោក ស ថេត ប្រធានក្រុមការងារគណបក្សប្រជាជនកម្ពុជា ចុះជួយសង្កាត់បឹងទំពន់១ ខណ្ឌមានជ័យ បានដឹកនាំក្បួនដង្ហែឃោសនាបោះឆ្នោតជ្រើសតាំង តំណាងរាស្ត្រ នីតិកាលទី៧ ក្នុងមូលដ្ឋានសង្កាត់បឹងទំពន់១ ដោយមានការចូលរួមពីលោក សួស សារិន ប្រធានគណៈកម្មាធិការគណបក្សសង្កាត់បឹងទំពន់ទី១ រួមជាមួយលោក លោកស្រីប្រធាន អនុប្រធានក្រុមការងារចុះជួយភូមិសន្សំកុសល១ ភូមិសន្សំកុសល២ ភូមិសន្សំកុសល៤ និងភូមិចំរើនផល សមាជិក សមាជិកា ចំនួន ៥០០នាក់។
ក្បួនដង្ហែនេះ ធ្វើឡើងដោយប្រើប្រាស់រថយន្ត១គ្រឿង ផាសអាប់ចំនួន៥គ្រឿង និងម៉ូតូចំនួន ២៥០គ្រឿង។ លោក ស ថេត បានស្នើសូមបងប្អូនប្រជាពលរដ្ឋ ទៅបោះឆ្នោតឲ្យបានគ្រប់ៗគ្នា នៅថ្ងៃទី២៣ ខែកក្កដា ឆ្នាំ២០២៣ និងបោះឆ្នោតជូនគណបក្សប្រជាជនកម្ពុជា ដែលមានរូបសញ្ញាទេវតាបាចផ្កា លេខរៀងទី ១៨ ៕
