(ព្រៃវែង)៖ សមាជិក សមាជិកាគណបក្សប្រជាជនកម្ពុជា ឃុំពានរោង ស្រុកស្វាយអន្ទរ ខេត្តព្រៃវែង ចំនួន១,១២៨នាក់ ដង្ហែក្បួនឃោសនាស្វែងរកសំឡេងឆ្នោត ក្នុងថ្ងៃបើកយុទ្ធនាការនៅព្រឹកថ្ងៃទី០១ ខែកក្កដា ឆ្នាំ២០២៣នេះ។
ការដង្ហែក្បូនឃោសនាក្នុងមូលដ្ឋាននេះ ដឹកនាំដោយលោក អ៉ី សុខឃី អនុប្រធានក្រុមការងារចុះមូលដ្ឋានស្រុកស្វាយអន្ទរ ទទួលឃុំពានរោង និងមានការចូលរួមពីលោក លឹម សុខារស្មី ប្រធានក្រុមការងារឃុំពានរោង និងលោក ធូ សារឿន អនុប្រធានទី១។
សូមជម្រាបថា គណៈកម្មាធិការជាតិរៀបចំការបោះឆ្នោត (គ.ជ.ប) បានឲ្យដឹងថា ការឃោសនាបោះឆ្នោតត្រូវប្រព្រឹត្តទៅចាប់ពីថ្ងៃទី១ រហូតដល់ថ្ងៃទី២១ ខែកក្កដា ឆ្នាំ២០២៣ សរុបមានរយៈពេល២១ថ្ងៃ។
គណបក្សនយោបាយ ដែលត្រូវបានទទួលស្គាល់ជាផ្លូវការដោយ គ.ជ.ប ចំនួន១៨ មានសិទ្ធិធ្វើការឃោសនារកសំឡេងឆ្នោត ដោយគោរពទៅតាមច្បាប់ បទបញ្ជា និងនីតិវិធីនៃការបោះឆ្នោត សេចក្តីណែនាំ ស្តីពីការឃោសនាបោះឆ្នោត ក្នុងស្មារតីទទួលខុសត្រូវ និងត្រូវមានការយោគយល់ អធ្យាស្រ័យគ្នាទៅវិញទៅមក។
គណបក្សប្រជាជនកម្ពុជាដែលជាគណបក្សធំជាងគេ បានបើកយុទ្ធនាការឃោសនា នៅមជ្ឈមណ្ឌលពិព័រណ៌ និងសន្និបាតកោះពេជ្រ ដោយមានសមាជិកសរុបជាង៧ម៉ឺននាក់ ដឹកនាំផ្ទាល់ដោយសម្ដេចពញាចក្រី ហេង សំរិន ប្រធានកិត្តិយសគណបក្សប្រជាជនកម្ពុជា និងសម្ដេចតេជោ ហ៊ុន សែន ប្រធានគណបក្សប្រជាជនកម្ពុជា៕
