(ជប៉ុន)៖ យោងតាមសារព័ត៌មាន NHK របស់ជប៉ុន បានផ្សាយ Update ឲ្យដឹងនៅព្រឹកថ្ងៃទី២៦ ខែកក្កដានេះថា យ៉ាងហោចណាស់មនុស្ស១៩នាក់បានស្លាប់ និង២៦នាក់រងរបួស ដោយសារឃាតកម្ម ចាក់សម្លាប់យ៉ាងរង្គាល ដោយបុរសម្នាក់វ័យប្រមាណ២០ឆ្នាំ នៅមជ្ឈមណ្ឌលសម្រាប់ជនពិការ នៅភាគខាងលិច នៃទីក្រុងតូក្យូ ដែលជាករណីដ៏សហាវមួយ ចាប់តាំងពីសង្គ្រាមលោកលើកទី២។

ប៉ូលិសជប៉ុន បានឲ្យដឹងថា មជ្ឈមណ្ឌលសម្រាប់ជនពិការ Tsukui Yamayurien ស្ថិតនៅទីក្រុង Sagamihara ដែលមានចម្ងាយ ៤៨គីឡូម៉ែត្រពីតូក្យូ។ បុរសជាជនដៃដល់នោះត្រូវបានប៉ូលិសចាប់ខ្លួន ដោយប្រគល់ខ្លួនឲ្យប៉ូលិស។

ប៉ូលិស​ បានទទួលទូរស័ព្ទពីបុគ្គលិកនៅមជ្ឈមណ្ឌលសម្រាប់ជនពិការ នៅវេលាម៉ោង២៖៣០ព្រឹក រាយការណ៍ថា មានអំពើឃាតកម្មសម្លាប់ចាក់សម្លាប់មនុស្ស៕