(បាត់ដំបង)៖ លោកបណ្ឌិត ស្រេង វង្សហៀង ប្រធានក្រុមការងារចុះមូលដ្ឋានឃុំព្រះផុស ស្រុកគាស់ក្រឡ ខេត្តបាត់ដំបង នៅថ្ងៃទី២៥ ខែឧសភា ឆ្នាំ២០២៣នេះ បានអញ្ជើញបើកកិច្ចប្រជុំរៀបចំផែនការត្រៀមឃោសនាបោះឆ្នោតជ្រើសតាំងតំណាងរាស្ត្រនីតិកាលទី៧ ដែលនឹងប្រព្រឹត្តទៅនៅថ្ងៃទី២៣ ខែកក្កដា ឆ្នាំ២០២៣ ខាងមុខនេះ។
កិច្ចប្រជុំនេះមានការចូលរួមពីអនុប្រធានក្រុមការងារ និងប្រធានទទួលបន្ទុកតាមភូមិ រួមទាំងលោកមេឃុំ ក្រុមប្រឹក្សាឃុំ លោកមេភូមិទាំង៩ ក្នុងឃុំព្រះផុស យុវជនឃុំ និងបានឧបត្ថម្ភទូរស័ព្ទ ជូនលោកមេឃុំចំនួនមួយគ្រឿង ដេីម្បីបំពេញការងារនៅក្នុងឃុំ។
កិច្ចប្រជុំនេះធ្វើឡើងពង្រឹងការគ្រប់គ្រងសមាជិកបក្ស, ត្រួតពិនិត្យលើឯកសារពាក់ព័ន្ធការបោះឆ្នោត និងជំរុញទៅបញ្ជាក់អត្តសញ្ញាណបម្រើឱ្យការបោះឆ្នោត, កៀរគរសមាជិកទៅបោះឆ្នោតជូនគណបក្សឱ្យបានគ្រប់ៗគ្នា និងប្ដេជ្ញាចិត្តបោះឆ្នោតយកជ័យជម្នះជូនគណបក្ស។
ជម្រាបជូនពីលេខរៀងគណបក្សនៅក្នុងសន្លឹកឆ្នោត, ការពារសន្តិភាព និងផ្សព្វផ្សាយគណបក្សប្រជាជនកម្ពុជាលេខរៀងទី១៨ សូមគូសសញ្ញាឱ្យបានត្រឹមត្រូវនៅក្នុងប្រអប់ ក្នុងពេលបោះឆ្នោតខាងមុខនេះ។
លោកបណ្ឌិត ស្រេង វង្សហៀង សូមថ្លែងអំណរគុណបងប្អូនដែលមានជំនឿជឿជាក់ និងទុកចិត្តលើគណបក្សប្រជាជនកម្ពុជា តាំងពីដើមរហូតមក បងប្អូនយល់ច្បាស់ណាស់ថា គណបក្សប្រជាជន គឺជារបស់យើងទាំងអស់គ្នា ព្រមទាំងអំពាវនាវដល់បងប្អូនកូនចៅទាំងអស់ ត្រូវរៀបចំឯកសារពាក់ព័ន្ធដូចជាអត្តសញ្ញាបណ្ណ លិខិតបញ្ជាក់ពីអាជ្ញាធរ ដើម្បីអាចចូលរួមបោះឆ្នោតបាន នៅថ្ងៃទី២៣ ខែកក្កដា ឆ្នាំ២០២៣ ខាងមុខជូនគណបក្សប្រជាជនកម្ពុជា នៅលេខរៀងទី១៨ ដែលមាននិមិត្តសញ្ញាទេវតាបាចផ្កាជាសម្គាល់៕
