(បាត់ដំបង)៖ ស្នេហាជាតិពិតប្រាកដ អ្នកមានបញ្ញាតែងស្វែងរកម្ចាស់ល្អ! លោក ឈី សារ៉ាត់ អតីតក្រុមការងារជាន់ខ្ពស់នៃគណបក្សភ្លើងទៀនប្រចាំខេត្តបាត់ដំបង ទទួលបន្ទុកកិច្ចការនយោបាយនៅស្រុកចំនួន៣ និងនៅទីស្នាក់ការគណបក្សភ្លើងទៀនខេត្តបាត់ដំបង លើកដៃស្នើមកសម្ដេចតេជោ ហ៊ុន សែន ប្រធានគណបក្សប្រជាជនកម្ពុជា ដើម្បីសុំមករួមរស់ជីវភាពនយោបាយជាមួយគណបក្សប្រជាជនកម្ពុជាវិញ។
ក្នុងវីដេអូខ្លីមួយ លោក ឈី សារ៉ាត់ បានបញ្ជាក់ថា ដោយមានការភ្ញាក់រលឹក និងមើលឃើញពីកិច្ចខិតខំរបស់រាជរដ្ឋាភិបាលក្រោមការដឹកនាំរបស់គណបក្សប្រជាជនកម្ពុជា ពិសេសក្ដីសន្ដោសប្រណីរបស់សម្ដេចតេជោនាយករដ្ឋមន្ត្រី ទើបលោកមានការភ្ញាក់រលឹកគិតឃើញនូវចំណុចវិជ្ជាមានឡើងវិញ និងចង់រួមកម្លាំងកសាងជាតិ សាមគ្គីភាពជាមួយគណបក្សប្រជាជនវិញ ខណៈអតីតគណបក្សដែលលោកធ្លាប់បូជាកម្លាំងកាយចិត្តនោះមិនបានធ្វើអ្វីជាប្រយោជន៍ចំពោះជាតិនោះឡើយ។
ខាងក្រោមនេះជាវីដេអូរបស់លោក ឈី សារ៉ាត់៖
