(ភ្នំពេញ)៖ «អ្វីទៅជាការពិត?» គឺជាឯកសារប្រវត្តិសាស្ត្រនាសម័យខ្មែរក្រហម ដែលត្រូវបានចងក្រងដោយមជ្ឈមណ្ឌលឯកសារកម្ពុជា ដោយមានការភ្ជាប់ជាមួយទស្សនព្រះពុទ្ធសាសនា និងទស្សនៈរបស់អ្នកប្រាជ្ញានានាក្នុងលោក។ ការស្វែងរកការពិតអំពីសំណួរទាំងនេះ គឺជាបេសកម្មដ៏សំខាន់របស់មជ្ឈមណ្ឌលឯកសារកម្ពុជា ដែលប្រជាជនកម្ពុជានាពេលបច្ចុប្បន្ន និងពេលអនាគតមានសិទ្ធិត្រូវដឹង។
ឯកសារទាំងនេះបានពិពណ៌នាអំពីរបៀបដែលការប្រល័យពូជសាសន៍នៅកម្ពុជា ត្រូវបានរៀបចំឡើង ហើយមជ្ឈមណ្ឌលឯកសារកម្ពុជាបានរកឃើញឯកសាររាប់រយពាន់សន្លឹកបន្ថែម។ ការបើកទូលាយ និងការវិភាគព័ត៌មាននៅក្នុងឯកសារទាំងនេះ នឹងប្រាប់រឿងរ៉ាវនៃការប្រល័យពូជសាសន៍នៅកម្ពុជាបានយ៉ាងទូលំទូលាយ ជាពិសេសរឿងរ៉ាវពីជនរងគ្រោះ និងជនដៃដល់នៃអំពើប្រល័យពូជសាសន៍។
ខាងក្រោមនេះជាឯកសារស្ដីពី «អ្វីទៅជាការពិត?»
