(ភ្នំពេញ)៖ កញ្ញា ធី សុវណ្ណថា ប្រធានអង្គការ «យុវជន និងកិច្ចការសង្គម» បានអះអាងថា នៅព្រឹកថ្ងៃទី២៤ ខែកក្កដា ឆ្នាំ២០១៦នេះ ប្រជាពលរដ្ឋមួយចំនួន នៅស្រុងស្វាយអន្ទរ ខេត្តព្រៃវែង បានរិះគន់ប្រធាន និងសកម្មជនគណបក្សសង្រ្គោះជាតិ ដែលបានយកសពបណ្ឌិត កែម ឡី ដើម្បីកេងចំណេញនយោបាយ។

ការអះអាងរបស់បែបនេះ របស់កញ្ញា​ ធី សុវណ្ណថា បានធ្វើឡើងបន្ទាប់ពីនាងបានរៀបចំវេទិកាមួយ នៅស្រុកចំការលើ នៅស្រុកស្វាយអន្ទរ ខេត្តព្រៃវែង ដោយមានប្រជាពលរដ្ឋ នៅមូលដ្ឋាននោះ ចូលរួមប្រមាណ ១៣០០នាក់។

នៅលើបណ្តាញសង្គម Facebook កញ្ញា ធី សុវណ្ណថា បានលើកឡើងថា «ព្រឹកនេះ វេទិកា(ទី២០) ស្រុកស្វាយអន្ទរ ខេត្តព្រៃវៃង ពលរដ្ឋ១៣០០នាក់ពលរដ្ឋរិះគន់ខ្លាំង លើប្រធាន និងសកម្មជនCNRP ធ្លាប់រិះគន់ ជេរបណ្ឌិតកែម ឡី បែជាតាំងខ្លួនជាអ្នកគោរពស្រលាញ់ និងកេញចំនេញនយោបាយ លើសពបណ្ឌិត កែម ឡី» ។