(ភ្នំពេញ)៖ ខណៈដែលកាលបរិច្ឆេទនៃការដង្ហែសព លោកបណ្ឌិត កែម ឡី រំកិលមកដល់ក្នុងពេលឆាប់ៗនេះ គណៈកម្មការរៀបចំបុណ្យសព បានបង្ហាញផែនទីផ្លូវហែសព លោកបណ្ឌិត កែម ឡី នៅថ្ងៃអាទិត្យ ថ្ងៃទី២៤ ខែកក្កដាខាងមុខនេះ។
ការបង្ហាញផែនទីផ្លូវនេះ គឺដើម្បីបង្កភាពងាយស្រួលដល់ ប្រជាពលរដ្ឋដែលចូលរួម ក្នុងពិធីដង្ហែសព លោកបណ្ឌិត កែម ឡី ក៏ដើម្បីភាពងាយស្រួលដល់អាជ្ញាធរ ក្នុងការការពារ និងថែរក្សាសណ្តាប់ធ្នាប់ផងដែរ ។
គួរបញ្ជាក់ថា នៅថ្ងៃទី២៤ ខែកក្កដា ឆ្នាំ២០១៦ ក្រុមគ្រួសារសព លោកបណ្ឌិត កែម ឡី សម្រេចដង្ហែសពលោក ចេញពីវត្តចាស់ ក្នុងសង្កាត់ជ្រោយចង្វារ ឆ្ពោះទៅកាន់មហាវិថីព្រះមុនីវង្ស និងផ្លូវសហព័ន្ធរុស្សី រួចបន្តដល់រង្វង់មូលចោមចៅ និងធ្វើដំណើរតាមផ្លូវជាតិលេខ៣ រហូតដល់ផ្លូវអង្គតាសោម រួចបត់ឆ្វែងបន្តដំណើរទៅប្រមាណជា៨.៥ គីឡូម៉ែត្រ ដល់ផ្ទះបុណ្យសព៕
ខាងក្រោមនេះ គឺជាផែនទីបង្ហាញផ្លូវហែសព លោកបណ្ឌិត កែម ឡី៖
