(បាត់ដំបង)៖ លោក ព្រួញ រិទ្ធថា អនុប្រធានក្រុមការងារស្រុកបវេលនិងជាប្រធានក្រុមការងារបក្សចុះជួយឃុំឃ្លាំងមាស ជាមួយក្រុមការងារទាំងអស់ នៅរសៀលថ្ងៃទី១១ ខែមិថុនា ឆ្នាំ២០២៣ បានបើកការដ្ឋានធ្វើផ្លូវថ្នល់ថ្មីក្រាលគ្រួសក្រហម ចំនួន០១ខ្សែប្រវែង៤,៥០០ម៉ែត្រ តាមសំណូមពររបស់ប្រជាពលរដ្ឋកន្លងមកទុកជូនពួកគាត់ធ្វើដំណើរ ដឹកកសិផលទៅទីផ្សារ ជាប្រយោជន៍រួមក្នុងឃុំឃ្លាំងមាស។
លោក ព្រួញ រិទ្ធថា បានប្រាប់ឲ្យដឹងថា ដោយមើលឃើញការលំបាករបស់ប្រជាពលរដ្ឋក្នុងភូមិ និងបានឆ្លើយតបតាមសំណូមពររបស់ពួកគាត់ផង និងក្នុងនាមក្រុមការងារបក្សមូលដ្ឋាន បានឯកភាពគ្នា ក៏បានសម្រេច ធ្វើផ្លូវថ្មី១ខ្សែនេះនៅក្នុងភូមិទុកជូនពលរដ្ឋសម្រាប់ប្រើប្រាស់ជាប្រយោជន៍រួម ក្នុងការធ្វើដំណើរចេញ ចូលប្រកបរបរកសិកម្ម ដឹកកសិផលគ្រប់ប្រភេទចេញ ចូលបានស្រួលខណ:ក្នុងរដូវវស្សានេះផងដែរ។
លើសពីនេះប្រជាពលរដ្ឋទាំងអស់ក៏បានថ្លែងអំណរគុណដល់លោកប្រធានក្រុមការងារចុះជួយបក្សមូលដ្ឋានឃុំឃ្លាំងមាសស្រុកបវេល ដែលបានគិតគូពីសុខទុក្ខ ការលំបាករបស់ប្រជាពលរដ្ឋក្នុងមូលដ្ឋានមានការរីកចម្រើនរហូតមកទល់បច្ចុប្បន្ម។
លោកប្រធានក្រុមការងារ ក៏បានផ្តាំផ្ញើដល់ ប្រជាពលរដ្ឋទាំងអស់ថា ក្រោយពីធ្វើផ្លូវនេះរួចនឹងប្រគល់ជូនដាក់ឲ្យប្រើប្រាស់ជាផ្លូវការហើយ សូមបងប្អូនយើងទាំងអស់គ្នានាំគ្នាជួយថែរក្សាផ្លូវនេះឲ្យបានល្អ ប្រើបានយូអង្វែងតទៅ។ ម្យាងវិញទៀតនៅថ្ងៃអាទិត្យ ទី២៣ ខែកក្កដានឆ្នាំ២០២៣ ត្រូវនឹងថ្ងៃបោះឆ្នោតសកលជ្រើរើសសភាតំណាងរាស្ត្រនីតិកាលទី៧ សូមបងប្អូននាំគ្នាទៅបោះឆ្នោតឲ្យបានគ្រប់ៗគ្នា និងបោះឆ្នោតបក្សប្រជាជនកម្ពុជា ដែលរូបទេវតាបាចផ្កា មានលេខរៀងទី១៨ ចុងក្រោយគេគឺស្រួលចំណាំបំផុត ដើម្បីគាំទ្រសម្តេចតេជោ ហ៊ុន សែន ធ្វើជានាយករដ្ឋមន្រ្តីបន្តដឹកនាំប្រទេសឆ្ពោះទៅរកការកសាង និងអភិវឌ្ឍន៍ជាតិកាន់តែរីកចម្រើនបន្ថែមទៀត និងមានសុខសន្តិភាពជារៀងរហូតតទៅ៕
