(បន្ទាយមានជ័យ)៖ ភ្នាក់ងារ Fresh News បានរាយការណ៍ខេត្តបន្ទាយមានជ័យបានឲ្យដឹងថា ក្រោយពីគ្រូៗ និងសិស្សានុសិស្ស នៃសាលាបឋមសិក្សា និងអនុវិទ្យាល័យសុវណ្ណគីរី ទទួលព័ត៌​មានថា សម្តេចតេជោ ហ៊ុន សែន នាយករដ្ឋមន្រ្តី នៃកម្ពុជា នឹងធ្វើដំណើរតាមបណ្តោយផ្លូវជាតិលេខ៥ ឆ្លងកាត់មុខសាលា របស់ពួកគាត់។ គ្រូៗ និងសិស្សានុសិស្ស រាប់រយនាក់ កំពុងរង់ចាំស្វាគមន៍សម្តេចតេជោ ដោយសម្តែងនូវក្តីរីករាយ ដោយចង់ជួបសម្តេចផ្ទាល់។

សាលាបឋមសិក្សា និងអនុវិទ្យាល័យសុវណ្ណគីរី ដែលគ្រូៗ និងសិស្សកំពុងរង់ចាំនោះ ស្ថិតនៅតាមបណ្តោយផ្លូវជាតិលេខ៥ នៅក្នុងភូមិវត្តថ្មី ឃុំភ្នំតូច ស្រុកមង្គលបុរី ខេត្តបន្ទាយមានជ័យ៕