(ភ្នំពេញ)៖ នៅរសៀលម៉ោង៣ ថ្ងៃទី២០ ខែកក្កដា ឆ្នាំ២០១៦នេះ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា និងមហាឧបាសិកា ប៊ុន ស៊ាងលី មាតាបង្កើតសម្តេច ក្រុមគ្រួសារ ព្រមទាំងថ្នាក់ដឹកនាំគ្រប់លំដាប់ថ្នាក់  បានអញ្ជើញនាំយកទៀនព្រះវស្សា និងទេយ្យវត្ថុជាច្រើនផ្សេងទៀត ដើម្បីប្រគេន ដល់ព្រះសង្ឃ គង់នៅវត្ដ ចំពុះក្អែកទុកប្រើប្រាស់ ក្នុងពេលចូលកាន់ព្រះវស្សា រយៈពេល៣ខែ។

 

គួរបញ្ជាក់ថា​ សម្តេចកិត្តិព្រឹទ្ធបណ្ឌិត​ និង​ថ្នាក់ដឹកនាំគ្រប់លំដាប់ថ្នាក់ នៃកាកបាទក្រហមកម្ពុជា​ តែងតែប្រារព្ធពិធីប្រពៃណីជាតិនេះ​ ជារៀងរាល់ឆ្នាំនៅវត្តចំពុះក្អែកនេះ។

វត្តចំពុះក្អែក ជាវត្តដ៏ល្បាញល្បីមួយ ក្នុង​រាជធានីភ្នំពេញ ស្ថិតក្នុងខណ្ឌច្បារអំពៅ រាជធានីភ្នំពេញ ហើយក៏ជាវត្តដែលសម្តេចតេជោ​ ហ៊ុន សែន នាយករដ្ឋមន្រ្តីកម្ពុជា និងមន្ត្រីគ្រប់ស្ថាប័ន​ តែងបានទៅធ្វើបុណ្យទាន តាមគន្លងប្រពៃណីព្រះពុទ្ធសាសនាផងដែរ៕