(ភ្នំពេញ)៖ លោក ឡុង សុផាត ប្រធានសហព័ន្ធសហជីពសម្លេងយុវជនខ្មែរ (VKYUF) នៅថ្ងៃទី១៨ ខែកក្កដា ឆ្នាំ២០១៦នេះ បានបន្តប្រកាសចេញមកថ្កោលទោសចំពោះលោក សម រង្ស៊ី ប្រធានគណបក្សសង្គ្រោះជាតិ ដែលបានស្នើឱ្យសហគមអឺរ៉ុប ឈប់ទទួលសម្លៀកបំពាក់ដែលផលិតនៅកម្ពុជាទៅលក់នៅទីផ្សារអឺរ៉ុប កាលពីថ្ងៃទី១៣ ខែកក្កដា ឆ្នាំ២០១៦។

តាមសេចក្ដីថ្លែងការណ៍របស់ VKYUF បានឱ្យដឹងថា «ទង្វើរបស់លោក សម រង្ស៊ី បានបញ្ជាក់​ឱ្យឃើញយ៉ាងច្បាស់ពីភាពសាហាវពិសពុល បំបែកឆ្នាំងបាយកកម្មករនិយោជិតជាង៨០ម៉ឺន​នាក់ និងបំផ្លាញជីវភាពប្រជាជនកម្ពុជាទាំងមូល»។

សូមបញ្ជាក់ថា លោក សម រង្ស៊ី ប្រធានគណបក្សសង្រ្គោះជាតិ បានលើកឡើងថា បើសហភាពអឺរ៉ុបបិទទីផ្សារនាំចេញសម្លៀកបំពាក់ពីកម្ពុជា គឺនៅពេលបើកទីផ្សារវិញ ត្រូវមានភ្ជាប់ជាមួយ​នឹងលក្ខខណ្ឌ។ ការបញ្ជាក់របស់លោក សម រង្ស៊ី ធ្វើឡើងតាមរយៈបទអន្តរាគមន៍របស់លោក ជាភាសាបារាំង នៅសភាអឺរ៉ុប កាលពីថ្ងៃទី១៣ ខែកក្កដា កន្លងទៅនេះ។

បទអន្តរាគមន៍នេះ ត្រូវបានដាក់ផ្សាយក្នុងបណ្តាញសង្គមរបស់លោក កាលពីថ្ងៃទី១៦ ខែកក្កដា ឆ្នាំ២០១៦ នេះបើយោងតាមការ ដកស្រង់ចេញពីវិទ្យុបារាំង RFI។  

ខាងក្រោមនេះ ជាសេចក្ដីថ្លែងការណ៍របស់សហព័ន្ធសហជីពសម្លេងយុវជនខ្មែរ៖