(ព្រះសីហនុ)៖ វេលាម៉ោង ១២៖៣០នាទីយប់រំលងអាធ្រាត្រចូលថ្ងៃទី១៨ ខែឧសភា ឆ្នាំ២០២៣ រថយន្តមួយគ្រឿងម៉ាក Rang Rover ពាក់ផ្លាកលេខ ភ្នំពេញ 2BB-3787 ពណ៌ស ត្រូវភ្លើងឆេះ ស្ថិតក្នុងចំណុចក្រុមទី១ ភូមិ៦ សង្កាត់លេខ៤ ក្រុងព្រះសីហនុ។

ក្រោយទទួលបានដំណឹងនេះភ្លាម, កម្លាំងនគរបាល និងកម្លាំងកងរាជអាវុធហត្ថខេត្ត បានចុះជួយអន្តរាគន៍បាញ់ទឹកពន្លត់ភ្លើងក្នុងករណីនេះ។

សម្រាប់មូលហេតុ បណ្តាលមកពីឆ្លងចរន្តអគ្គិសនី រីឯរថយន្តឆេះខូចខាតទាំងស្រុង តែយ៉ាងណានោះ នៅក្នុងហេតុការណ៍នេះ មិនបណ្តាលឲ្យមានមនុស្សរងគ្រោះថ្នាក់នោះទេ៕